قررت راح انسى حبك وابدي اموت عليك؟؟؟

[* ملك الاحساس *]

اي نعم حبيتك انته
وغير شخصك ما اريد
اي نعم مو بس احبك ...انه ميت والله بيك
اشگد قوي وشخصيتي نجمه وناسي ليل
لكن تريد الصدگ...؟؟
كلش ضعيف ...من احس روحي..... بديك
انت
نقطة ضعف بيه
ومن صدگ حبيت ضعفي
چي لأن ضعفي انه .... بيك
علمتني بكل سهوله
اصعد اعله السيف رگبه
ودري كل باياته موت
وما خفت لا روحي تطلع
خلها تطلع ...هيه لو طلعت ... تجيك
درستني الحب قضيه
(علمتني شلون احبك)
ومن نجحت بدرسك انه
بعت اديه ... حتى بيديه... اشتريك
وشتريتك من زماني
وساوموني اعليك كلهم
وما قبلت احد يجيك
عمري من شفتك گمر ...
سويته ماي
حتى اگدر بين ايام العمر
لحظه .... احتويك
مرة اذكر تيهيتك
دوريت بروحي عنك
ما لگيتك
نثريت اجزائي كلها اعله الارض
وفتشتهن وحده وحده...وما لگيتك
وتالي من اسلت گلبي انه .... عليك
جاوباني
اشبيك مجنون انت تحچي ...؟؟.!! هذا هوه اگبال عينك
واگف ايعاين .... عليك
هيچي مجنون انه بيك
حتى شيطان الشعر في ذهني واگف...
فرض حكمه ..
وأصدر بشعري قرار ..
لازم بمحراب عينك
من اريد اكتب قصيده
اوگف بطولي ...اندعيك
ولذلك ...

قررت راح انسى حبك
وابدي اموت انه عليك

[بلسم الروح]

الله الله روعة

الروعة والجمال والاحساس الصادق

ونبض القلب المفعم بالحب الجميل

لقد راقني الحظور والمكوث هنا لجمال

الكلمات وجمال الاحساس

فتقبل مروري المتواضع هنا

بين الكلمات

تحياتي

[* ملك الاحساس *]

هلا بيج عيوني انتي

منورة بلسومة زارتنة البركة والله

يكفيني مروركي الرائع والمميز

كوني دوما هنا

تحياتي يالغالية

[سلام الدراجي]

الاخ ملك اتمنى ان تكون القصيده مكتوبه بيدك
لانها فعلا رائعه كروعتك ومليئه بالحب والشجن
يسلم يراعك على هالاحساس الجميل
بوركت اخي العزيز
تحياتي