وعيدي ابووووووووووووذيات "foraten.net/?foraten.net/?foraten.net/?foraten.net/? الشويلي

[الشاعر احمد الشويلي]

بسم الله الرحمن الرحيم
السلام عليكم

اليوم اقدم اليكم اعزائي مجموعة جديدة من ابيات الابوذية على امل ان تنال اعجابكم
واود ان اغتنم الفرصة واشكر الاخ امير الاحزان والاخ ابو اللغيث على وسامي الجديد وانشاء الله اكون عند حسن ظنكم .

علي سنيني بس هموم دارن /قلبن او صبن
طرحني اعله الارض وعليه دارن /تعاونن
اعوام هواي صدكوا عليه دارن / من الدوران
لجن ماتنعدل دنيه رديه


دنيتي بهمي جد وجديد عيدي /كرري
لان بس بالحزن دومة وعيدي /وعدي
يروحي اليوم اجيت انه وعيدي / عيد ميلادي
اروح الكبري بيه وابجي عليه

بعد ما ابجي دمعي انه ولاهل /اذرف الدموع
لان لاصحب ظلولي ولاهل /اهل
عساه مابده عمري ريته لاهل / الهلال
لان ميت ولدت اعله الوطيه


نصحوني كثر لاكني مارد /لااسمع النصيحة
وغدة جدم الوكت لعظامي مارد / ساحق
تالي الكيت انه مصباح مارد /مارد المصباح
كتله الفرح ظل يبجي عليه

انه من مهدي بس الدموع يمي /جنبي
ومن كد البجي ظل جفني يومي يمي /يضوي او به لمعان
ريتج كون ماجبتيني يمي / يا امي
ولاشوف اللي شفته من الاذيه

انه الفارس وانه المغوار والحر /من الحرية
ترابي وطيني اصلي وراقي والحر /طين حر
انه قطعة حديد النار والحر / الحرارة
يخلني افور ونار بيه



وانه بعشكي العشك حب منهوانة /الهوى اي العشق
وشاف الوفة دومة من هوانة /من يعشقنة او يودنة
يمن تنشد عليه من هوانة / من هو انا
انه العاشك واحب كل بت وفيه

وانه من اعشك احب من كلبي كلا / كله اي بكامله
نعم دومه جوابي ماكو كلا
واليشوف الاحبهة اصفطة ب كلا /اضربه برأسي
وابوهة ان شافهة ايشوف المنيه

وانه المنهوب كلبي وانت بكته /سرقته
وكل كرص البلكلبي انت بكته / حشرت البق
اعرفك لجن ما احجي انت بكته /سلاح البكته
لمن ترميني اموت وهاي هيه

متحبني ادري ومغلس وجذاب / كاذب
مغناطيس جنك حلو وجذاب /جاذب
امس خلاني اشوفن شخصة وجه ذب وجذاب /رمى
كلبي ببحر عشكة وعم عليه

اعتب عالكتب دستوري والسن /سن الدستور
ماخلة العشك بيه فصل والسن /العمر
كبر حد ماوكع من فجي السن
وانه بعدي اعشكة اشلوني بيه

هلك هنيالهم باسو وضموك /احتظنوك
وشمس انت عجيبة اشلون ضموك /اخفوك
حرف جر انت بالله اشلون ضموك /علامة الضم
تجر كل من تشوفة اعله الوطيه

وحك الياء وي النون والعين /حرف ع
هواي هواي انت البيك والعين / الولع
خدة جن حديقة جنه والعين /عينك
مثل زمزم صفاهة اشلون بيه

[امير الاحزان:]

انه الفارس وانه المغوار والحر /من الحرية
ترابي وطيني اصلي وراقي والحر /طين حر
انه قطعة حديد النار والحر / الحرارة
يخلني افور ونار بيه
..............................................
الاخ foraten.net/?foraten.net/?foraten.net/?foraten.net/? الشويلي ..شكرا" لهذه المقدمة اللطيفة
انا ما قدمه الاخ ابو الغيث من وسام لشخصك هو تثمينا" وتقديرا" لما تبذلو وستبذله من اجل رفد المنتدى بكل ما هو جديد وما يجود به قلمك الواعد..
وليس ادل من ذلك ما نقراه لك في كل يوم وفي جميع اقسام المنتديات الادبية
نثمن فيك هذا الاكبارو التواصل وان شاء الله الى المزيد من الرقي والتحسن للافضل
....................
ما كتبته اعلاه شئ جميل ورائع ويبشر بالخير الكثير..
انها رزمة من الابوذيات المعبرة..ولكن هذا لا يمنع ان نوجه لها بعض النقد..لغرض اعطاءها حقها وعدم الذهاب بالابوذية بعيدا" عن مسارها..
واقصد هنا بعض الزحاف الواضح في بعض اشطر كلماتها ..
وعلى سبيل المثال لا الحصر اخي الكريم لو اخذنا اول ابوذية:
علي سنيني بس هموم دارن /قلبن او صبن
طرحني اعله الارض وعليه دارن /تعاونن
اعوام هواي صدكوا عليه دارن / من الدوران
لجن ماتنعدل دنيه رديه
..............................تابع معي
علي سنيني بس هموم دارن /
طرحني اعله الارض وعليه دارن /
اعوام هواي دارلي ودارن /
لجن ماتنعدل هل الدنيا رديه

لاحظ اخي الفرق وان كان بسيط الا انه اعطى لها وزنها الخاص.. ولحنها الجميل..كي تكون من جناس واحد..
ارجو ان ما اثقلت عليك..
واتمنى لك التوفيق من كل قلبي..
ومبروك عليك الوسام ..تستحق اكثر من ذلك..

[مريم جبران عودة]

ابوذيات فيها معانٍ راقية

شكرا لطرحها

وننتظر المزيد

[سلام الدراجي]

اخي foraten.net/?foraten.net/?foraten.net/?foraten.net/? شكرا لهذه المجموعه من الابوذيات الرائعه عساك بخير ودوم الموفقيه والتميز
ولو انا مع الاخ امير الاحزان بوركت

[الشاعر احمد الشويلي]

السلام عليكم شكرا لكم اعزائي على مروركم
الاخ امير الاحزان والاخ الدراجي
شكرا لكم على هذا التصحيح الرائع لهذا البيت المتواضع من الابوذيه
اخواني الاعزاء انا اتقبل وبكل سرور النصيحة منكم اخواني الشعراء والهاوين كذلك لانني مازلت في اولى المراحل من حياتي الشعرية وبالطبع مازال الطريق طويلا لكي ابلغ بعض الذي بلغه الشعراء العراقيون وايضا قد لا انجح في هذا الشي واحب ان اضيف ان الابوذيه لون صعب من الوان الشعر الشعبي وحتى قد تكون اصعب من القصيدة احيانا فعلى سبيل المثال يمكن لابوذيه ان تعادل في بعض الاحيان ديوان شعري كامل والعكس مستحيل وهذا شي واضح

شكرا على مروركم
الطالب foraten.net/?foraten.net/?foraten.net/?foraten.net/? الشويلي

[ام فيصل]

ابوذيات جميلة
شكرا لك ولجمال الإحساس
دمت بخير
مع تحياتي لك عزيزي