سوال يطرح نفسه فعلآ هده زينب الحوراء؟
بسم الله الرحمن الرحيم
اللهم صلي على محمد وال محمد
يكول كل ما انضر الى طريق كربلاء ارى زينب وهي على ناقه هزيله ويحدوها شمر
هنال سوال يطرح نفسه نظره تعجب فعلآ هده زينب بنت علي اخت العباس
جنهه زينب هاي بت حامي الدخيل بس عجيبه نشوفهه بلايه اهل
كون اخت عباس تركب على الهزيل يعني يا ستار عباس انكتل
هيه هيه زينب هاي على الناكه وتميل
ومن تميل الريح يسندهه بخجل
بيهه هيبت حيدره وزعل الجفيل وبيهه صبر حسين لاح ويه الزعل
والعجيبه اشلون يحديهه الغريب وانه اعرف زين بطباع الكفل
وجنه راس حسين داك العل رمح
وهدا يا سيف الدبح خير العمل
وين سبع الكنطره وسبع الطفوف
اشصبر الراس على رمحه وما نزل
بعينه من شاف الشمر صوطه يلوح
بمتن زينب جيف عباس احتمل
يعني هاي ام الخدر زينب اكول
يعني ايس لا خدرهه ولا اهل
يعني لا جفالهه يلوح الجفوف
ولا ابو الحملات من صاحت حمل
يعني ظلت بين جتال الحسين
وبين سلاب الربب حضن الفشل
بس على عناد الوكت وشما يدور
ما تهبط راسهه اربات الفحل
هيه زينب ما يغيرهه المصاب
ان جان على الناكه وادا فوك الجبل
هيه زينب
منقــــــــــــــــــــــــــــــــــــــوله
مهرجان الرايه الثالث لشعراء الامام الحسين
رد مع اقتباس
رد: سوال يطرح نفسه فعلآ هده زينب الحوراء؟
