السلام عليكم ورحمة الله وبركاته

وحيات ابوك اللى مات
وسط الغيطان حافى
عاملى خنفس بنات
م النخوة متعافى
دلوعة خالص يا ففه
دمك يا واد اصله خفة
ان كان نفوخك فى هفة
ادعيلو ربك يعافى
فاكر يا واد ارض ابوك
ولا البنات لخبطوك
واولاد ذواتك خدوك
خلوك بقيت ولد فافى
طبعك يا واد غير طبعهم
ازاى تعيش تمشي معهم
لو كنت راجل تبيعهم
وتسبب حياة الترافى
عود يابن عمى لصوابك
فرح ابوك اللى سابك
اوعى الشيطان يغوى بابك
حرص يا واد اصله حافى
حرص يا واد اصله حافى





تحيااااااااتى