ابوذيات حب

[ملك الرومانسيه]

حب

تظل تاج على راسي مالي غيره
وترى الينكر العشرة ماله غيره
ولو تريد قلبي ومالي غيرة
انطيك القلب بثنين اديه



نقد ادفع وابوسنك بلا دين
واحضنك حيل ياحبيبي بالأيدين
على حسابك علنوا حرب بلادين
دولة قلبي ويه روحي عليه



صافي وما وصل واحد صفاتك
وجميع البشر ماتشبه صفاتك
قسمت القلب قسمين وصفا تك
اخذت انته جزء والباقي اليه



صرت ليه وسط قلبي اخليك
حبيبي شكثر احبنك واخليك
ابد مايوم تنساني اخليك
ولا اشوفك ابد تبعد عليه



احبك ما احب غيرك بدالك
شوكي مابدا لغيرك بدا لك
وين الكه اني حبيب ببدالك
ملاك من السما ونازل عليه



تنادي على المحب وينك واريدك
حبيبي بشرياني انته واريدك
صاح القلب حبيتك واريدك
اعيش ابلا قلب ترضاها اليه



قلبي مارغب عكبك ولا حب
ولا فكر يحب غيرك ولاحب
مريض اني وما اريد ابرة ولاحب
بس رجعتك ترد الروح بيه



اسب كلمن يلوم العشك واشتم
وعلى صدري اضمك حيل واشتم
رايد اتمدد بطولك واشتم
عطر جسمك ويزيد العشك بيه

تحياتي الى الجميع

[عاشق الأمل]

ملك أنت حقاً في رومنسيتك

ملك في حرفك

ملك في إبداعاتك

ملك في ذوقك

ملك في فنك

لا عدمناك
دمت ياغالي

تحياتي ...

[ام فيصل]

صافي وما وصل واحد صفاتك
وجميع البشر ماتشبه صفاتك
قسمت القلب قسمين وصفا تك
اخذت انته جزء والباقي اليه

سلم لنا هذا الإحساس ياملك الرومانسية
باقة رائعة من الأبوذيات
عاشت ايدك عزيزي
ودام لنا هذا التميز

مع تحياتي

[ملك الرومانسيه]

مشكور اخويه العزيز عاشق الامل على ردك الرائع وبارك الله فيك عى هذا الرد
وبارك الله فيكي اختي ام فيصل على هذا الرد الجميل مع شكري واحترامي الى الجميع

[twfeek]

نعم ملكت الرومانسية بهذا الاحساس
تقبل مروري




توفيـــــــــــــق

[نسيت انساك]

جميل ما تكتبه انا اخوي الغالي دمام لنا هدا التئلق

ارجو ان تكون دائما ملكا للروماسية واميرا للحب وقائدا للعاشقين
شكراونتمنى المزيد منكم

[ملك الرومانسيه]

يسعدني مروركم اخواني الاعزاء الاخ غيث علي
والاخ twfeek