دارميات عراقية حزينة

[أنثى شرقية]

مايذل لاهيــــــــهات ابنج يبغداد
بأخر نفس ويصيح منصوره البلاد


باخر نفس ويصيح منصوره بغداد
وعاشت بلاد الخير يادار الامجاد


عاش العراق انصيح عاشت فراتي
واصرخ بعالي الصوت دجله حياتي


دجله وفرات الروح والكلب ذي قار
وعماره عيني اتصير والجسد انبار


كربله تصيح بصوت ارض العقيده
اليمس حدي اليوم نكسره ايده


صبت دمع ذي قار كالت حسافه
وانحنت لمن طاح جسر الرصافه


يتعلم علم هالناس من علم اشور
وكل عالم يكلك روح اتعلم ب اور


روح انشد التاريخ عن الحضاره
تلكه بحبر مكتوب بغداد المناره


نصرخ نصيح ابصوت والباري شاهد
واحد عراق الخير والشعب واحد


تلطم تدك عالراس دجله وتنادي
لوني احمر صار من دم بلادي


رددت فرات بصوت واحد شعبنه
سنه وشيعه اخوان كرد وعربنه


أنشد الضمير وصاح من شط عربنه
سنه وشيعه اخوان نحرر بلدنه



ارجو ان تعجبكم


منقولة طبعا

تقبلوا تحياتي

[حيدر القريشي]

سلمت الانامل الذهبيه
على هذا الانتقاء المميز دائما
دام لنا هذا الابداع
تقبلي مني خالص ودي وتقديري
مع ارق التحايا

[أنثى شرقية]

تسلملي ياطيب لمرورك العذب والمميز ولتواصلك الدائم لك مني اجمل تحيه معطره بالورود

سلمت يداك على هذا الابداع

وعاشت العراق وبغداد وشعبها الطيب

[أنثى شرقية]

اسعدني تواجدكم وتواصلكم الرائع والمميز دمتم بالف خير اخواني الطيبين ربي يوفقكم جميعاااا

تحياتي الكم

[الشاعر ماجد الدعمي]

سالم عراق الخير ومتهني كل عام
لكل حرف خطيتيه مشكوره احلام

[أنثى شرقية]

اسعدني تواجدك وتواصلك بابا ماجد الرائع والمميز دمت بالف خير ربي يوفقك

تحياتي الك

[عراقيه غيوره]

دجله وفرات الروح والكلب ذي قار
وعماره عيني اتصير والجسد انبار

تسلمين وعاشت الايادي والله بالفعل مؤثره جدا
دام ابداعك اختي