+ الرد على الموضوع
النتائج 1 إلى 5 من 5

الموضوع: عفية امي شكثر شافت مراره و ضيم/ وصوتيه

  1. #1
    فراتي مهم جدا بصراوي مشاغب is on a distinguished road الصورة الرمزية بصراوي مشاغب
    تاريخ التسجيل
    Dec 2005
    الدولة
    مو مهم تعرف
    المشاركات
    4,369

    Icon9 عفية امي شكثر شافت مراره و ضيم/ وصوتيه

    هذه قصيدة شعبية رائعة بحق الوالدة وبنفس الوقت هي وطنية والله يعين ويصبر كل غريب دون اهل
    واحبه

    يمكنكم سماع القصيدة من هنا


    عفية امي شكثر شافت مراره و ضيم
    ياما تحملت لوعه بلياليها

    ولا عمري شفتها ارتاحت بفد يوم
    تعبانه الدمع و الهم يسليها
    كبرنا و عوض الله و صرنا عندها ارجال
    همنا شلون بيش الام نجازيها
    نذب الثوب لسود منها نص الليل
    و نفز الصبح نلقاه مغطيها
    سمعنا الصوت يندب وينكم لولاد
    دعوة من الوطن لازم نلبيها
    و مشينا و ودعتنا امنا بظلام الليل
    او وصتنا جفوف الطغى و نلويها
    و لويناهم لوي الاخر دمع بالعين
    هنياله الوقع و الدم تباريها
    و خويه اول الناس استشهدوا عالكاع
    بالدم كتب كلمه يذوب قاريها
    يا يمه بسعفه كضت نارهم باليل
    و بدمي اركضت عالنار اطفيها
    نعاوي امي تبجي الكاع و الصوبين
    و هذا انا اعترف ابجي النعاويها
    نعاوي امي خناجر بالضلوع احا
    يوميه الصبح اسمع بواجيها
    عليمن يمه كافي اصار صار او راح
    دمسحي دمعتج يا يمه مسحيها
    خطيه مكابله الصورة على خويه تنوح
    و جن الصورة تحجي و جن تحاجيها
    اغافلها و اشيلن صورته من البيت
    و وصيهم بعد لحد يحاجيها
    و بوك الروح بوكه واشتغل بالطين
    بالحي مدرسة لازم نعليها
    وارد امن الشغل واسمع بواجي و نوح
    واتحذر وطب و مدده القيها
    وعلق صورته بجفي على وجه الدار
    ويرد البيت يضوي من اخليها
    وترد امي البجيها اردود و يردن نواعيها
    وترد امي البجيها اردود وانا اسمع نعاويها
    تقلي شلون شاعر طاوعتك ايد
    حسبالي العراق انباك ليش الصورة تخفيها
    و تعدت سنه و سنتين و جنت ادري البجي للعين يعميها
    و عمت امي
    وظل ابني الزغير حسين من تمشي يدليها
    علمته الوطن ياهو و علمته الشعب ياهو
    وظل مثل الطفل يمه يسميها
    تسولف له قصص و تعلمه عالديوان
    وتصعده الفرس و تقله مش بيها
    تقله الكاع كاعك و النخل ينخاك
    وابن امه و بطل كلمن يحاميها
    و طلب منها تسولف عالمضى و الجان
    عن عمه خذته امواج جاريها
    عن ذاك العراقي الما قبل تنباك كيعان العراق و كل سواجيها
    و ترد امي بواجي تفزز الميتين
    ويردن امكابر كل نعاويها
    يمه القنبله ما بترت رجليه
    هو انفجر يمها و بتر رجليها


    نقلتها لكم من موقع انصار الحسين عليه السلام



  2. #2
    بعد عين العراق شضل ألية!! عراقي أصيل is on a distinguished road الصورة الرمزية عراقي أصيل
    تاريخ التسجيل
    Mar 2006
    الدولة
    بلد الشقاااق والنفااااق
    المشاركات
    3,182

    20 مشاركة: عفية امي شكثر شافت مراره و ضيم/ وصوتيه


    تقله الكاع كاعك و النخل ينخاك
    وابن امه و بطل كلمن يحاميها
    و طلب منها تسولف عالمضى و الجان
    عن عمه خذته امواج جاريها
    عن ذاك العراقي الما قبل تنباك كيعان العراق و كل سواجيها
    و ترد امي بواجي تفزز الميتين
    ويردن امكابر كل نعاويها
    يمه القنبله ما بترت رجليه


    هو انفجر يمها و بتر رجليها





    الله يعين كل شخص بعيد عن بيتة وأن شاء الله تعود
    أيامنا وترجعون الله اخوية علاء وتصير سوالف وعيونك
    ومشكور اخوية علاء على القصيدة والله

    الأم مدرسة منها نتعلم كل شي
    ونسأل الله أن يحفظ أمهاتنا وأن يمدهن
    بالعمر المديد والصحة والعافية
    مشكوووووور على مجهودك




    تحياتي

    عراقي أصيل

  3. #3
    فراتي مهم جدا بصراوي مشاغب is on a distinguished road الصورة الرمزية بصراوي مشاغب
    تاريخ التسجيل
    Dec 2005
    الدولة
    مو مهم تعرف
    المشاركات
    4,369

    افتراضي مشاركة: عفية امي شكثر شافت مراره و ضيم/ وصوتيه

    لك خالص التحية والاحترام اخوي عراقي اصيل والله يسمع منك هاي الكلمات الرائعة

    انشاءالله العودة مع الاهل

    لك شكري

  4. #4
    فراتي مهم جدا بصراوي مشاغب is on a distinguished road الصورة الرمزية بصراوي مشاغب
    تاريخ التسجيل
    Dec 2005
    الدولة
    مو مهم تعرف
    المشاركات
    4,369

    افتراضي مشاركة: عفية امي شكثر شافت مراره و ضيم/ وصوتيه

    اشكر طلتك الرائعة اخوي الورد

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك