زنجيل@@@@@@@@@

[بلسم الروح]

زمان الجان يزهي كبل مادام

وبجيت عله الخدود الروح مادام

عكبهم كلت اسم الروح مادام

مشوا عني بعد جا شلي بيه؟




مشوا عني شلي بروحي بعدهم

وكت كل غايته عني بعدهم

عيد المايحط جفه بعدهم

حرام انجان يهنه العيد اليه





حرام انجان يهنه العيد ويطيب

ولاجرح البعد يلتام ويطيب

الي بركان حدر الضلع ويطيب

يطك من تمر ذكراهم عليه





يطك من تمر ذكراهم وليراي

الي جانوا نهر عشره وليراي

لهم راي اليفاركنه وليراي

اسير ويّ الضعن ماصح بديه





اسير ويّ الضعن كصدي ولاصاح

بشر لاعدل ظل عدها ولاصاح

حده حدايهم سكته ولاصاح

حده وكطذع بكايه الروح بيه





حده وكطّع غفل روحي منحداه

وعميت وماعرف حدي منحداه

سوه ماكو فرق وحده منحداه

النوايب ذيج بيك وهاي بيه





النوايب دارن وصكن بعدكام

وكضن عشرين من عمري بعد كام؟

كضت كومه من جروحي بعد كام

يمين اجان اداويهن بديه





يمين انجان اداويهن ولاروف

وبعد لا أرحم بحالي ولاروف

تهت لاماي ظل عندي ولاروف

فقط دمع الوجد نهران بيه






فقط دمع الوجد نهران ليلاي

على اللاظم الليلو فوك ليلاي

جذب ماظن تصير بيوم ليلاي

إذا حته آنه صاير موش أليه

إذا حته آنه صاير موش أليه




تقبلو اختيارى


منقول

[الشاعر ماجد الدعمي]

بلسم جميل هذا الاختيار من الابوذيات
دام الله هذا التواصل
تقبلي تحياتي ومروري

[ام فيصل]

الله الله عليج عزيزتي
ابويات رائعة
دام لنا تميزك واختياراتك الجميلة يابلسم
كل الشكر لك عزيزتي
واتمنى لك المزيد من الإبداع
تحياتي لك