احلى شلغم من سيد الطبخ العراقي المشاغب

[بصراوي مشاغب]

شلونك شباب وشابات

طبعا اليوم سويت لكم طبق ماصاير بتاريخ المنتدايات طبق عراقي بحت

من سيد المطبخ العراقي بصراوي مشاغب ادري هسه راح تصير ضجه بس الله يخليكم

ترى مافارغ للاسئله لان من طبعي انا مااعلم سر طبخاتي بس بعد الحاح شديد من بعض

الناس سويت لكم اليوم شلغم


يالله راح اخليكم ويا الصور وانتم تعرفون ولي ماتعرف خلي تروح تشوف معلم طبخ


يالله على بركة الله نبداء.

طبعا الصورة هاي الشلغم والدبس بعدهم بالعلاكة























يالله عاد كون عجبتكم ورجاء لاحد يسئلني هواي يعني بس سؤال لك فرد

ولكم تحيات سيد المطبخ العراقي

[الاسمراني]

ما شاء الله عليك بصراوي

هههههههه طلعت تطبخ واحنه ما ندري

بس حلوه منك على الاقل عندك امكانيات

مشــــكور على الطبق الروعه

[Bint Belady]

هاي شنو.. هاي والله اكله رهيبه..
هو مشاغبو ميعرف يكعد راحه حتى يجيب وصفه صعبه مثل هيج اكله..
وهمين من مهارته نزل كل التفاصيل..

بس سؤال واحد فقط لا غير.. (انتى كلت بس سؤال واحد الكل عضو.. اني ماعليه)
مصدر الشلغم هذا منين.. نسيت تذكره النه..

شكراً لـــ سيد الطبخ العراقين والله قبل هذه الأكله المنتدى جان ضايع..
وعلى كولت الأسمراني طلعت طباخ واحنه ماندري..
***

بصراحه عاشت اديك بصراوي على هذا الشلغم الحلو..
وشكراً لك على هذا المجهود الرائع لتقديم طبق عراقي بحت صدك..
ورمضان كريم على الجميع

[بصراوي مشاغب]

احم احم شكرا لك الاسمراني ياوردة على المرور الكريم

اي طبعا طباخ مو النسوان ذبحونا عبالهم بس هما يعرفون يطبخون

على اي حال شكرا ابو سمره.....

ها بنوتة هاي شبيج حجيج بيه الغاز صاير يالله مو صعبة صيرة شاطرة وتعلمي

اما مصدر الشلغم اعتيادي من محلات الخضره اي وانا من طبعي مااحب اعلم سر المهنة

بس شسوي يالله كلت شهر رمضان خلي اعلمهم شغلة ويالله روحي اليوم سوي

شلغم للبيت مو تحركيه يالله عاد استفادي من الدرس.

تحياتي لكم ولمروركم الكريم

[قمـ بغداد ــر]

اني بس سمعت الاكلة من سيد المطبخ العراقي جيت ركض ما لكيت جطل جبت خاشوكة واذا

ماكو راح اكل بيدي بس شلون مهارات او ل مره اكتشفها بيك ليش جنت خافيها علينا على

العموم اني سؤالي هو عن مصدر الدبس هذا مخصوص واصلك من البصره بس ما اقول الا بسم

الله ما شاء الله صدك شغل مرتب وعلى نظافة يعني المطبخ يلمع صدك مو مثلنا نقلب المطبخ قلب

عاشت ايدك اخويه علاء وننتضرك دائمآ بالوصفات الحلوه والشغل المرتب

تحياتي واحترامي لك

[بصراوي مشاغب]

شكرا شكرا ام مرام على كلماتك الرائعة ومايهم تكدرين تاكلين بالخاشوكة مو مشكلة مو الا بجطل

على العموم الدبس هنا من امريكا وماادري منين جايبيه شكله مو من البصره ههههههههه

على اي حال مو بس تقرين صيرة شاطرة مثل بنوتة وطبقي عفية ترى بعد مااعلمكم

يالله كافي تحياتي

[الحالمه]

يا عيني يا عيني
هاااي منو هنا ؟؟!!!
لا تره الشغلة بعد ما تتحمل فورا راح اراسل الشيف اسامه السيد ( احسن طباخ بالشرق الاوسط )
علمود يتفق وياك , لان طلعت طباخ 5 ستارس

بس تدري راح اطبقه بأقرب وقت بس أجيب الشلغم , لان صدك وكته هسه مممممم

مشكور مشاغبوو على هذا الطبق الحلو
واذا صدك تكول انت طباخ , نزلنه بعد طبخات عراقية خلي نشوف منو احسن ؟؟

[بصراوي مشاغب]

اهووووو هم دخلت الحالمووووو بالسالفة

انت شنو جاي تحجين بابا شنو اسامه السيد شنو مايكل جاكسون

هذول تلاميذي بابا هذول جانوا يدفعون الاف على مود يشوفون طبخي

وهسة جنابج جايه تتحديني بالطبخ روحي عمووووووو منا احسن

وهاي كافي عليكم تركيبة الشلغم

يالله روحي طبقي مثل باقي البنات هههههه وبالعافية عليكم