مشاعر واضحه0000

[امير الاحزان:]

مشاعر واضحـــــــــه
*********
يشهد الله يا حبيبي انه كاتلني السهر
ولو يعجبك هذا هجرك كون كلبي اصارحه
ويشهد الله يالحبيب امشي بدروب الخطر
وكلبي مذبوح اعل بابك وانت بيدك ذابحه
تمشي متباهي بجمالك.. ويلي منك يا امر
من غرورك وشجنيت وكلي شنهو الرابحه
بيت من مطلع قصيدة..العجز منهه بلا شطر
هاي الاعيبك يغالي اليوم باتت واضـــحه
عايش ايامك سعادة..وانه كاتلني القهر
لا حبيب اليمر بيه.. بس رسايل طايحه
يوم بيه تغيب عني.. ينحسب عندي بشهر
وانته جنك ولا داري.. وفوك راسي الطايحه
ولهان واتمنى تجي.. واطفر الشوفك طفر
ممنون حتى لو جذب.. يتمنى كلبي اتصافحه
ارض صبخه ومن تجيني.. يفيض شرياني نهر
الورد بيهه يبتسم.. وتخضر التفاحــــــــــــــــه
يوم ترزم هالحقائب.. ناوي وتريد السفر
بالمحطه تلاكي كلبي.. بيوم كبل البارحه
شرد اكلك ياحبيبي.. شنهو كلبك من حجر
ما كفاك اتعري كلبي.. تكون انت الفاضحه؟؟
ورغم كل هذا حبيبي.. ابقى احبك لو دهر
وشكثر تغلط بحقي.. انه اكول مسامحه
*********
احزان الامير كانت هنا

[ام فيصل]

يوم ترزم هالحقائب00ناوي وتريد السفر
بالمحطه تلاكي كلبي00بيوم كبل البارحه
شرد اكلك ياحبيبي00شنهو كلبك من حجر
ما كفاك اتعري كلبي00تكون انت الفاضحه00؟؟
ورغم كل هذا حبيبي00ابقى احبك لو دهر
وشكثر تغلط بحقي00انه اكول مسامحه

الله الله الله امير الأحزان
ابداع متواصل عزيزي
كلمات كلها شوق واحساس جميل
سلمت لنا هذه المشاعر
وجود قلمك المميز
كن بخير لأكون
تحياتي لك

[امير الاحزان:]

اليك اختي الفاضله:ام فيصل(كل الود والاحترام)
اكتب كلماتي وانا كلي احتراق ..بنار الوجد احيانا"..اخرى لاني:تخونني الكلمات للتعبير عما يجول في الخاطر
خصوصا"عندما استجمع كل ما لدي من احاسيس ومشاعر
للرد على اطرائاتكم التي
تبث في عروقي شحنة دافئة
تدغدغ مشاعري فاقف لها مبهوت متمنيا"لو ان لواذي بالصمت
تسمعون صداه وهو يتأوه في الظلمة
لعل توقيعك المميز يبعث في ارجاء فناءه النور تحياتـــــــــــــــــــــــــــــــــــي
اخوك الامير

[أسامه الشاعر]

شكرا للقصيده الرائعه والجميله
سلم احساسك امير الاخزات ودمت

[امير الاحزان:]

شكرا" لمرورك الجميل اخي اسامة
وساكون عند حسن الضن

[سلام الدراجي]

راقي انت امير بهذه القصيده المليئه بالمشاعر والاحاسيس الجميله تحياتي الك ياورده وتقبل وتقبل المرور

[الاميره]

عاشت الايادي اخي امير الاحزان على المواضيع الجميله والمميزه
دمت لنا كاتبا مميزا ودمت في هذا العطاء وبالتوفيق ان شاء الله
تقبل مروري

[أنثى شرقية]

شرد اكلك ياحبيبي00شنهو كلبك من حجر
ما كفاك اتعري كلبي00تكون انت الفاضحه00؟؟
ورغم كل هذا حبيبي00ابقى احبك لو دهر
وشكثر تغلط بحقي00انه اكول مسامحه

*******

عاشت اناملك مشاعر واحاسيس صادقه بالفعل
دام لنا عطائك ودام لنا قلبك الطيب
ياامير الامراء

كن دوما بالف خير
تحياتي