شعرج

[المغروره]

الشعر: هو تاج راسج , المفروض تداريه و تهتمين بيه , و هو رمز جمالج , و هو املج , و مستقبلج , و حلم حياتج , و ,.. و ...و وووو...المهم
حتى تكدرين تتعاملين وية شعرج بشكل صحيح ...اكو طريقتين:

الطريقة الصعبة:
ا-استعمال الشامبو الصحيح :يعني اهتمي بنوعية الشامبو اللي تستعمليه كون فد شي غالي ..ابو الخمس تالاف و فوك ..لان اذا اقل يعني شعرج قيمته قليلة عندج ..راح ينقهر شعرج و يتأذى و نفسيته تتعب ..و يقرر الرحيل ..و يبدي يهجرج على شكل خصلات توكع من راسج على فجأة ...

ب-الحمام الزيتي: حتى تغذيه, لو بس بيج خير تغذين روحج؟؟؟ ..هذا تاج راسج اذا راح منين تجيبين تاج راس بعد؟!!؟؟

ج-المي الزين:ترة مينه تلف..من هسة اكللجياهه ..اشتري بطالة فرات و غسلي شعرج بيهه ..فدوة الفلوس الج و لجمالج عيني ..واحد جم مرة يعيش..و شكو بيهه اذا شربو الجهال من الحنفية و تمرضوا..الاعمار بيد الله

د-المشط: رحمة لوالديج شعرج كاتل احد من عشيرتج؟؟ ..ليش تكفشيه كفش من تمشطين؟؟..يا عيني عله كيفج ..ادري الجهال متعبيج و كهرباء ماكو و ابو الجهال يريد عشه..بس مشطي شعرج لخاطر الله ..مشطي شعرج خللي تصير بيج شوفة

ه-القراصة و الطاك: اهم شي ..الفركيتات و القراصة ام الوردة و ام الريشة ..و الطاك اللي هلكبره ..اللللللللللللله عبالك معركة براسج

2-الطريقة السهلة:
اولا:عوفي شعرج براحته ..ينمو و يتكنفش بجميع الاتجاهات ..و لا تشيلين همه..و اتبعي موضة الكفشة التاريخية اللي دتتبعه ميريام فارس و فرقة ميتاليكا الطاكة ..و من يسألوج كولي :مودة ..و موتي من الحر وية طفية الكهرباء ..

ثانيا: او....شيلي شعرج كله..زينيه صفر مثل العسكرية ايام صدومي ...خلصي منه و من ضيمه ..و خللي راسج يشم هوة و يشوف دنيه ..و من يسالوج كولي:
كرعة و اخبل شحال لو عندي شعر


كانت معكم سويتهارت ..صاحبة صالونات : ذبي شعرج بال**ل و ابتسمي للحياة<!-- / message -->

[سومه]

ههههههههههههههههههههههههههههههههههههههه انزول عليج مغروره شنو هاي صدك ضحكت والله
وصدك الي متريد تمشط شعرها عادي لاان صايره موده عوفيه كفشه يصير مثل شعر ميريام فارس
جان زين اصلا ميريان متسوي شعرها الا عند مزين الشعر طوني المندلق
يسلمووو عيني المغروره على الموضوع الحلوه مثلج

[المغروره]

ههههههههههههههههههههه اي صدك سومه ههههههههههههههههههههههههههههههههههههههه شكرا حبيبتي

[رونق الحياة]

هههههههههههههههههههههههههه
فدوة للسانج مغرورة واللة انتي اتنفعين حلاقة للسيدات
مشكورة اختي

[zryan]

والله حلوه منج ..ههههه بس تدرين ان شعر ميريام فارس حلو لان يشبه الباروكه ههههه