تعال

[ابو امير الياسري]

تعال
تعال وخل سمانه اتغيم
وتمطر ورد
جوري ورياحين
تعال اشعل بگايه اوجاغ
صدرك وافتح
اگلیبك دواوين
تعال الدنيا تفرح من تِجَمْع
اچفوفنه
ونصبح حبيبين
تعال اسرج مهر عمري
النسيته امربط
ابواحاتك اسنين
تعال العود من ييبس يصير
اوگود
بحلوگ الچوانين
*** *** ***
تعال اگليبي ورّم والشماته
اسيوف
وفراگك سچاچین
تعال ولملم احلامي الغدت
سالوفه
بحلوگ النساوین
تعال ولاتخاف الناس وهلك
واكسر
اعراف وقوانين
تعال وفوت ياسفان انه
اگلیبي بحر
وسنينه عشرين
حلم عمري انذبح بجفاك
واحلامك ورد
تضوي ابروازين
*** *** ***
يصيّاد الدليل ارحم بگايه
اهروش
بين الماي والطين
رمح فرگاك طر چبدي وتعدى
احشاي كلها
وهدلي ظلعين
ولاچن حادي ظعنك شافني
امدد ونازع
غصّة البين
ولاچنك سمعت الصوت من
صحتك ولك
يفلان لاوين
عفتني امسَجٌه جثه ابليل
وذياب الفلا
اتولتني صوبين
ولاهزّك دمع ياحيف لا
حرّك ضميرك
شوف ميتين
ولاعشرت عمر لاليل لا
ضحكة سهر
لاحركك دين
عفاني اشحامل من آهات
وانه اضحك وداري
وچبدي نصين
تعال الشوف رك واهل الهوه
ايگولون تنفع
كحلة العين
تعال اعضاي ترجف والثياب
اِمّزّگه
وممطوره صوبين
تعال وخل سمانه اتغيم وتمطر
ورد جوري ورياحين
************************************************
15/2/2003
__________________
لا يجوز شرعا وقانونا التصرف باشعاري
دون الرجوع الي وموافقتي

[وردة بغداد]

قصيده جميلة ورائعة

سلمت يداك

تقبل خالص ودي وحترامي

[ابو امير الياسري]

شكرا لكِ ولهذا المرور الطيب ياأخت وردة بغداد واقابلك التحيه والاحترام

[ام فيصل]

يصيّاد الدليل ارحم بگايه
اهروش
بين الماي والطين
رمح فرگاك طر چبدي وتعدى
احشاي كلها
وهدلي ظلعين

اسجل اعجابي وأمضي
على هذه القصيدة الرائعة بإحساسها وكلماتها
معبرة هي كلماتك يبو أمير
سلم لنا هذا النزف الجارف من الألم والترجي
ودام لنا ابداعك وهذا التألق
كل الشكر لك عزيزي

[ابو امير الياسري]

الشكر كل الشكر لكِ سيدتي وانتي تضعين تلك البصمات الجميله على كلماتي البسيطه *تحياتي لكِ ولتلك الانامل التي خطت احلى الكلمات وأطرت لوحتي