اول كلامى سلام
على قول شاعرنا الكبير عمنا فؤاد حداد وكل سنه وانتم طيبين بمناسبه شهر رمضان المبارك
وبالمناسبه دى ومع بدايه كلامى فى موقعكم الجميل افكركم بعمنا فؤادحداد والمسحراتى
مسحراتي

منقراتي

بإيدى نقره

واتنين بقلبى

مطلوب أجود

واقول وازود

وأنا باحود

يادوب وباحبى

بإيدى نقره

واتننين بقلبى

يا مشربيه

في المغربية

سرحت بيه

والليل سرح بى

بإيدى نقره

واتنين بقلبى

يا هلال غويت

الدنيا وغزيت

على بحر زيتى

طلعت مراكبى

بإيدى نقره

واتنين بقلبى

صبح هلالى

قمر ملالى

طل وملالى

وقسم لى نايبى

بإيدى نقره

واتنين

بقلبى

دقت القطايف

شفت اللطايف

خيالى طايف

فى عيون حبايبى

بإيدى نقره

واتنين بقلبى

بإيدى نقره

وبقلبى عشره

سبحان ربى

ما أخافش عثرة

على أرض خضرا

من غير مخاطره

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

سهرت ورديتين والصبح وردية

رجعت للبحر ألحان المراكبيه

والزند شمر وزف الأرض والميه

من شط للتانى والعالم معديه

والقلب دقاته دقات الصنايعيه

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرراق ومصان كري][]