>>>هاي سالفه بين ولد وبنت <<<

[اسدالعراقي]

هاي سالفه بين ولد وبنت

والبنت شوفوها شكد لززززززززكة

البنية : حبيبي شنو رايك بالزواج

الولد (بينه وبين نفسه اهوووو هم فتحتي هذا الموضوع) :

حبيبتي خل نحجي بفد شي لاخ فد شي مهم

(على اساس الزواج مو مهم)

الولد (يريد يبدل الموضوع): حبيبتي شفتي الفلم مال البارحة

البنية: اي شفته يخبل وبالنهاية البطل والبطلة تزوجو شفت شلون

الولد (اهووووووووو خلي ابدل الموضوع) :

حبيبتي شنو رايج بالدراسة والجامعة

البنية : كلش زينة احنة لازم نتعب بالدراسة حتى اول منكمل نتزوج

الولد (لك شحجاني عالدراسة خلي اكلب الموضوع):

حبيبتي شنو رايج بالطماطة

البنية : اوه الطماطة تخبل طبعا اني اسوي فد زلاطة خرافية

ونياله لابن الحلال اللي راح يتزوجني والله لا اشبعة زلاطة

الولد (يعني شلون وياهه راح اجيلهه موضوع متكدر تربطة بالزواج) :

حبيبتي شنو رايج بالطوبة شفتي ريال مدريد شلون فاز البارحة

(على اساس شلون البنات يتابعن الدوري الاسباني)

البنية: حبيبي الطوبة رياضة كلش حلوة

اصلا اني اذا تزوجت وجبت ولد اريدهم يطلعون لواعيب طوبة

انته شتكول اذا تزوجت هم تسوي نفس الشي

الولد راح يتخبل : حبيبتي شنو رايج بالانتحار

البنية : حبيبي الانتحار مو زين

بس تدري انه المتزوجين نسبة الانتحار عدهم اقل من العزاب

الولد : شوفي دا اكلج اني ما اريد زواج

تريدين تكضيها غراميات وياية لو اروح اشوف وحدة غيرج

البنية : لا لتروح اكضيها وياك ميخالف

بس اريد اسالك شغلة وحدة اذا تزوجنا وين نسوي الحفلة

الولد : يبوووووه

وخطيه الولد هذا هسة بيه حالة نفسية ونايم بالشماعية

وتحياتي الكم

[عاشق عيونك]

الولد راح يتخبل : حبيبتي شنو رايج بالانتحار
البنية : حبيبي الانتحار مو زين
بس تدري انه المتزوجين نسبة الانتحار عدهم اقل من العزاب
تسلم حبيبي ابو شهد هههههههههههههههههههههههههه
هذا صدك راح ينكطع بية بت ههههههههههههههه ويتخبل الله يساعدة

[الحــر]

ههههههههههههههه

والله هذي نيتها صافية ودور حلال بس ههههه

عاشت ايدك حبيبي على الحوار المذهل والجميل

[ام فيصل]

يبووووووو

الله يعينه اي حكه يروح مستشفى المجانين مو شوية الي صابه ههههههههههههههههههههههههه

عاشت ايدك ياملك
تحياتي لك

[همس الغروب]

ههههههههههههههه
وربي يستاهل هههههههههههههه
حل بيه
مشكور خيو على الموضوع
تحياتي