دارميات روعه لاتفوتكم

[سومه]

كون الله هسه اليوم ياخذهه روحي ... وانسى اذى المحبوب وتخلص جروحي

*كون الله هسهاليوم ياخذني وياك ... ظلمه يا ضي العين العيشه بلياك

*اتمنى قلبج يوم يوگع بديه ... وأقفل عليه الباب واشبعه اذيه

*گلبي تشبعه بضيم أنا اللي ممنون ... بس لاتجافي الروح لو ولفك تخون

*مو بالقلب بالروح رايد اخليك ** واكتب خطرممنوع محد يمر بيك

*ملبوس الأسود دوم مو كلش يلوك...من تلبس الأسوديوم جا عزل السوك

*ياما شفت حلوات بس انتي الاحلة ... يالعينج خضار دهوكومن غير كحلة

*احمر شعر هواي والخصلة سودة ... يمشي بدلع من يفوت واللبسمودة

*اسود لبسلي اليوم وحياني الاشكر ... والشعر نهر النيل والركبة مرمر

*سب واشتم شمتريد يا ولفي اقبل ... ولا تظلم اني اهواك ومااريد تزعل

*يا خويا يا كرار ظم دمعك ارتاح ... ولاتشمت انتة عداك وتصفك على الراح

*هاك ابرتك والخيط كوم امشي عني ... لو بية اشل الجروح جا شل هذني

*كلبي ارد اكصة بموس واكوي بمكانة ... علمني اعلى دروب كلهن مهانة

*نيالك تشوف هواك لوحتى بالطيف ... وك شوفة الحلوين صارت مطر صيف

*نيالكتشوفه هواك وبالحلم ساعة ... ما نمت لحظة بليل من يوم وداعة

*شحجي شكل للناس من همي شحجي ... مليانبالحسرات بس احجي ابجي

*كلبي ارد اكصه ابموس وبفاس اكطعة ... خلصهابالسختات مالحك ربعه

*وحقك يداح الباب ما ننسى امنا ... ولاخر نفس واللهنفديها بعمرنا

*خوي استر على الحال خوي استراستر ... السكف البنيتةاوياكبس غيمت خر

*كل واحـد نخــاويـه لازم نفحـصه ... در ابد ما مغشوش و صافيفصه

*اگعد بنص الليل واذكر وليفي ... وبحجة الحلمان ابچي على كيفي

*حبك يا بعد الروح بگليبي شمعة ... تتحول من تذوب بعيوني دمعة

*برنو عيون هواي والمشط بيهه ... والعده سبع ارواح ما يصد ليهه

*اطلك لي سبع سنين شفت العجايب ... تالي أطرحت ياناس ذبيتهشايب

*جيت اسئل المحتل وين النفط صار ... جاوبني هالعصفور مثل الهوه طار

*شجره وحدرهه الناس تتفيه وتنام ... خلتني بالعاكول اتفيه الايام

*راح البلد ياصاح ،راحت اغانييه ... حرامي واحد راح ، أجوا حراميــــه

*ارد انشد العقال واهل العداله ... لو نشف ملح الزاد شنحطبداله؟

*لو نشف ملح الزاد حط ماي العيون ... فانهم ترى يا فلان ماسخ يكولون

*اسمر واخاف عليك من ممشى الغروب ... جاهل وبعده صغير ما يندل دروب

*ليل الشتة يهواي مكدر انامة ... حط بالكلب نيشان هاي العلامة

[بصراوي مشاغب]

حقا كلمات روعة ودرمي جميل

الف شكر ياوردة على الدارميات

وهذا كلش حلووووووو

*اتمنى قلبج يوم يوگع بديه ... وأقفل عليه الباب واشبعه اذيه

ننتظر جديدك ياوردة

[سومه]

شكرا بصراوي على مرورك الجميل

شكرا على هذه الابيات الجميلة الرائعة

[عراقي أصيل]

عاشت أيدج سومة دارميات حلوة
وأسمحيلي للمداخلة يوم من الأيام
كان واحد يتصل بحبيتة كل ما يخابرها تطلعلها
أمة حبيبتة فيوم من الأيام خابر طلعتله حبيتة
كَاللها

هو: جواب أريد أرجوج بنت الأكابر .... تطلعلي أمج ليش كلما أخابر
هي: أمي أنة عدها وليف عايفها كَوة ...كلما يدك تلفون ضنتك هوة
هو : ياما أسمعت كلمات من أمج ثكَال ...كل كلمة بالدلال جن طكَة عكَال
هي : يا هواي عيني أعليك شابع رزالة .... وية اليرن ضليت حالتك حالة
هو :يا فلانة يا بنت الناس يا بنت الأكابر ... لا تكَليلي بعد أشوفك أو بعد خابر
هي : خابر دليلي أنوب يا ولفي خابر .... غصبن على أمي يصير خطك مباشر


وعذراً للمداخلة

[سومه]

هههههههههههههههههه عراقي روووعه كوولش حلو طلعت الام وبتها يحبن هههههههههه يسلمووو

[المغروره]

حبيبتي سومه بدعتي والله يخبلون عشتي

[اميرة البصرة]

السلام عليكم

شكرا على الابيات الروعه
عاشت ايدج وننتظر الجديد


ارق السلام
اميرة البصرة