لون بيدي

[الشاعر ماجد الدعمي]

لون بيدي !
وتصفه وياي بس يومين
جا شلتك عله جفوفي
وعليّ الناس خل تشهد
ولون بيدي !
ارد عمري الخذاله وياك شوح سنين
عمر مدفون لاله حساب لا ينعد
لون بيدي البسك عمري كلاده
ولون بيدي اصير غطاك
لاتبرد !
ولون بيدي
ولون بيدي !
جا شلتك نظر بالعين
واكتبتك قصيده بروحي تتردد
ولون بيدي اكول انجان ماتدرون
حبيبي بلاسبب من بين ايديه
ابعد !!!
ولون بيدي اسوي الدنيا مرجوحه
لعيونك تلولي وابيك تتورد
ولون بيدي
افك بيبان كلبي غنوه لعيونك
ولحد الموت احلف لاتظن تنسد
ولون بيدي
اذب لساني فاضحني
بس اسمك عليه كل لحظه يتردد
ولون بيدي
جا لميت عمري وصحت بيه شوباش
لعيونك حبيبي
ولو نويّت ترد !
تلكاني اعله الدرب ناطر
وصبري الجيتك اتعده مية حد !
ولون بيدي
تعال وكودني من ايدي
يتيمه بغير جفك ياترف ايدي
لون بيدي !

تحيات ماجد الشاعر
19/2/2009

[وفاء سلطان]

الله
ابداع
وسلاسه المفرده

اجدت برسم لوحتك

[الشاعر ماجد الدعمي]

شكرا لك اخت وفاء ولمرورك الكريم
لك تحياتي ودمتي بخير

[أنثى شرقية]

ولون بيدي !
جا شلتك نظر بالعين
واكتبتك قصيده بروحي تتردد
ولون بيدي اكول انجان ماتدرون
حبيبي بلاسبب من بين ايديه
ابعد !!!



عاشت اناملك
تحياتي لك

[الشاعر ماجد الدعمي]

وتحياتي لك احلام وشكرا للمرور الكريم
نورتي والله

[ام فيصل]

ياسيد الإحساس والبوح
ايها المتلحف بالألم والصبر
لم امواجك تتكسر زبــدا يظهر ويتوارى قبل ان تصل لسواحلها
يامن يتغنى بشغفه وهمسه جحافل العشاق
اسجل اعجابي -- وحضوري المتواضع امام هذه اللوحة بكل زفيرها الموجع
هكذا هو الحب -- وليس كل مايتمناه المرء يدركه
دام لنا هذا الفيض الجم من المشاعر الصادقة
اقبلني ضيفة على صفحتك لم تعطيك حقك بالرد
تحياتي ايها المـــــــاجد

[مصطفى المالكي]

دمع عيني
وضوه اسنيني
ونبض بحشاي صرت انته
نغم روحي
ودوه اجروحي
وحبك بالكلب صنته
ما انساك
اضل وياك
ونا ابلياك صدكني العمر عفته

اخي العزيز ماجد الشاعر
لكم يروق لي بوح قلمك سلمت اناملك على ما تخط هنا من ابداع
تقبل مني هذه الكلمات كمجارات لما ابدعت به
تحياتي

مصطفى العراقي

[هاشم نجم]

كلمات راقية جدا رائعه جدا بروعه قلم كاتبها
نثرت الورد والعبير بين السطور
فاحت بعبق الحب
سيدي
لقد أمطرت علينا سحابه حب
وعشنا حلم جميل لحظة قراءة تلك الحروف
فهنيئا لك ماتكتب وهنيئا لمن تكتب لها
تقبل أرق تحية وكل الاحترام