مجنونة النفس طير رشدها اللوم

[عراقي أصيل]

اريدكم تبجون على هاي القصيدة شكو واحد عندة حصرة بكلبة
او شي بكلبة من هموم وتعب يجي يمي هنا يذب حملة علية
وانا بخدمة كل العراقيين أخوتي وأخوااتي

القصيدة تكَول

مجنونة النفس طير رشدها اللوم

وياك تريد وبنفس الوكت ضدك
خافت تنكَطع وأنت النفس للروح

نفس من تنكَطع مو خيط وتشدك

يا الخدك جرف وسنين عمري الروج

تجي لشوفك تهمني وتنتهي بخدك
منك شارد ومن كَد أمان البيك

تعز الروح وأشرد وأختل بسدك

يا نهر الوفة وبيك الحقيقة السيل

الي يذبلك سعف ما يكَدر يسدك

الكَلب كضة صكَر كضك ولا ينطيك

كَلب عطشان شوكَ مخبل يهدك

وهلهل يا كَلب وأفرح بعد شتريد

أنت أول خصم صار العسل ندك

وأنت أول كَلب مثل الأرض ممشاك

أذا تمشي بعد من يكَدر يردك

وخاتل بالغمكَ ما بارزت يا ضيم

لأن مادام ترفض مبرد يحدك

والي يعاتبك حط عذرك الزنجار

كَول يلوح نصلك وأختل بغمدك

شراعك من فلت لا تكَول ذنب الريح

ما ضبيت حبلك وأنفلت شدك

ترى الشباج كل شي العليه يراويك

بس الباب من تطلع ترى يهدك

ومو طعنة غدر أعرف أشلون أتموت

جف ذلة اليموتك لو وصل خدك



تحياتي


عراقي أصيل

[عراقي أصيل]

محد رد أرد على روحي أحسن
ومثل ما كَال أخوية بمنتديات الترفيه
شنو الشي الي تحبه وأذا حجيت وياه تصير مجنون
يعني هسة أنا أحجي وية روحي يعني
هسة أنا صرت مجنون اللهي صبرني

[اميرة الاحلام]

انا هرد


ولا تزعل نفسك

بس ممكن طلب

انت عارف مصرية

ممكن تترجمها بالمصرى


علشان افهم


شكرا على القصيدة



حـ ليل ــلم

[عراقي أصيل]

مشكووووووووووورة عزيزتي حلم على مرورك وأن شاء الله راح أترجملك القصيدة
كلها وتأمري أنتي


تحياتي

عراقي أصيل

[karrar83]

.............thanks...............

[عراقي أصيل]

مشكوووووووووور حبي على المرور