ابوذيات ~~ الي بعشق والي يحب يعشق جديد ~~ ابوذيات

[احمد الزبيدي]

جديد XX جديد
ابوذيات أسيـــــر الروووح

بعدنا....

أحبابي اشنـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه

سني.......

العُمر تيهته وضـــاع سِـــــــني
وكبرت وطاح من گدام سِِــــــني
شيعي ومن كثرحبك صرت سِـــــني
اچتف بالصلاة غصبن علــــيه

يسعه......

كلبي على حب الحلو يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه

مره رسايل....

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية

ان شاء الله تعجبكم الابوذياتي
{{ مع تحياتي }}

{{ أســـــــ الروووح ـــــــــير}}

~~ وشكرا ~~

[محتاره]

حينما تتراقص الكلمات
وتعلو الحانها بصدى تعبيرها الحساس
تبدأ الكلمات بمعانقة تلك السحب النقيه في
سماء الحب الطاهر
تبدا بغزل اسلوبها الراقي بانسياب
سلمت اناملك عن هذا الطرح الجميل
دمت بود

[ام فيصل]

أحبابي اشنـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه

ابوذيات جميلة عزيزي
عاشت ايدك - بس الأبيات اعلاه اتصور منقولة
اذا مو غلطانه
تحياتي لك

[هاشم نجم]

ابوذيات جميله
عاشت ايدك ابو شهاب
تحياتي لك

[iraq hawk]

عاشت الايادي عيوني

[احمد الزبيدي]

شكرا لمرووركم
ملاحضه: اختي ام فيصل الابوذيات الي اخليه الاكثريه منهه متشابهات مع بعض الابوذيات للشعراء بس ما تحتوي نفس النص اوكي ::::: وشكرا لمرورج::::