وقعو حضوركم بابيات شعرية

[عراقي أصيل]

حضوري لهذا اليوم

أذا ما أحبج أنتي أشلون أحب الناس .....يا أول غرام بصغري وبكبري

وأذا ما أشوفج أنتي أشلون أشوف الناس ....وآنة بغير شوفج بي قصر نظري ..!!

حبيتج سهر وأعيوني غابة ليل .....وبس وياج أسهر يا بعد عمري

أذا مو ألج أكتب ما أحس بالشوق.......وآنة العله شانج أكتب بشعري

جربتج أهواي وشفتج أوفى الناس.....يا أول حبيبة أتحملت قهري

أسأليني بحياتي أشكَد تمر نسوان......ليش أنتي الوحيدة الباقية بفكري

وأسأليني بحياتي أشبيها من أهموم .......ليش آنة من أشوفج يطفة كل جمري

يا أجمل محطة البيها كَلبي أرتاح.......يا نهر الحنان وبالكَلب يجري

تغفة أعيون ياما وياما نامت ناس ......وآنة ويه الأشواق وملتهي بسهري

اقرب مني أشوفج وأحترك مرات .......أحس مني بعيدة ويختنك صدري

ويمر طيفج هوا وأحتار أشمة منين .......وشكو أحلى يا عمري من الهوى العذري

وتسأليني أحبج أي نعم والله .......بس ليش آنة أحبج صدكَي ما أدري




عراقي أصيل