قصيده اخاف امن اعوفك بعد ما اشوفك( مكتوبه )

[حيدر القريشي]

الرادود : باسم الكربلائي
الشاعر : جابر الكاظمي

***********************
أخاف امن اعوفك
بعد ما أشوفك
اذا ما تجيني
أقدر ظروفك
طويلة رحلتي
وأخاف برجعتي بعد ما أشوفك

***********************
يا عباس اختك آنا ولا تبارحني
جنت انت تمسيني وتصبحني
فرقتك ذلتي وشوفك يفرحني
كلام الشامت بفرقاك يجرحني
يا ريت الموت أخذ روحي ويريحني
إذا أنساك الله لا يسامحني
أخاف أشتكي لك
وأعذب دليلك
وأريد بدموعي
أبرد غليلك
تودعك دمعتي
وأخاف برجعتي
بعد ما أشوفك

***********************

أخاف امن اعوفك
بعد ما اشوفك
اذا ما تجيني
اقدر ظروفك
طويلة رحلتي
وأخاف برجعتي
بعد ما أشوفك

***********************

أودعك ياابن ابويه
او لليسر أطلع
واعوفك بدر غايب نورة بالمصرع
مثل جسم
توذر قلبي وتقطع
كلامي اوياك صار يترجمه المدمع
اذا ارجع يا خويه اشراح اتوقع
اذا ارجع اشوفك بعد من ارجع
اباصر دليلي
سفرتي ورحيلي
قلت له عجيبة افارق كفيلي
اعلى فقدك حسرتي
واخاف برجعتي
بعد ما أشوفك

***********************

أخاف امن اعوفك
بعد ما اشوفك
اذا ما تجيني اقدر ظروفك
طويلة رحلتي
وأخاف برجعتي
بعد ما أشوفك

***********************

أصيحن واليموت اشينفعه الصايح
اسكتت وادموعي جدول عالوجن سايل
غصب عني اعوفك والضعن رايح
بلا توديع اتركك عالنهر طايح
تعاتب لا تعاتب والعتب جاري
تودني وإليود من شيمته يسامح
ضعنه برواحه
يريد السماحة
تسير الضعينة
بونين ونياحة
تنشدك مهجتي
وأخاف برجعتي
بعد ما أشوفك

***********************

أخاف امن اعوفك
بعد ما اشوفك
اذا ما تجيني
اقدر ظروفك
طويلة رحلتي
وأخاف برجعتي
بعد ما أشوفك

***********************

أنشدك لو مشيت بضعني وأتيسر
تقدر تنهض تشد الضعن تقدر
اذا بسياطة خصمك يضرب الخِدّر
تقدر تحمي عيلة وسايرة بهالبر
اذا جتالك بمجلس شتم حيدر
تقدر تجي هناك تدافع وتحضر
اذا وقفونا
بمجالس عدونا
حرم واحنا نسمع
يشتمون ابونا
شينشف عبرتي
واخاف برجعتي
بعد ما أشوفك

***********************

أخاف امن اعوفك
بعد ما اشوفك
اذا ما تجيني
اقدر ظروفك
طويلة رحلتي
وأخاف برجعتي
بعدما أشوفك

***********************

اذا مسبية من يمك رحت وامشيت
عني ما قمت يابا الفضل حاميت
اذا مجلس دخلت وحايرة ظليت
اذا حشمتك وللنخوة ما لبيت
العذر مقبول منك خويه لو ما جيت
اشلون تقوم وانت بس جسد ظليت
يا جمرة حنيني
يعذرك ونيني
عسى مني قطعوا يساري ويميني
شيرجع لهفتي
وأخاف برجعتي
بعد ما أشوفك

***********************

أخاف امن اعوفك
بعد ما اشوفك
اذا ما تجيني
اقدر ظروفك
طويلة رحلتي
وأخاف برجعتي
بعد ما أشوفك

***********************

اشخلّت ساحة الطف خذت مني عيون
شحجي اويا النهر والسهم والعامود
فطر جبدي العطش من نار سهم الجود
اذا تسكن لحد اسكن ياخويه الحور
للطف ياابن ابويه الضعن مني يعود
اخاف ما اشوفك لو رجعت ردود
يطول غيابي
واجيك بمصابي
اذا ما لقيتك تزيد عذابي
تهيج جمرتي
واخاف برجعتي
بعد ما أشوفك

***********************

أخاف امن اعوفك
بعد ما اشوفك
اذا ما تجيني
اقدر ظروفك
طويلة رحلتي
وأخاف برجعتي
بعد ما أشوفك


ونسالكم الدعاء

[محمود الطائي]

مشكور اخوي حيدر القريشي على القصيدة

[حيدر القريشي]

العفو اخويه العزيز
شكرا على مرورك
وتقبل تحياتي

قصيده رائعه بصوت الكربلائي

بارك الله بيك اخي
ودمت بخفظ الرحمن

[حيدر القريشي]

شكرا على مرورك الرائع يغاليه
وتقبلي تحياتي

[الحــر]

مشكور اخي الموالي الطيب

وعظم الله اجرك

تقبل خالص دعواتي وشكري

[حيدر القريشي]

العفو اخويه الحر
وعظم الله اجورنا واجوركم
شكرا على مرورك وردك
وتقبل تحياتي

[هاشم نجم]

مشكور اخوي على اختيارك القصيده الرائعه
تقبل تحياتي وردي