أنه عنـدي الصاحب عيونــي الثنين
وأنه أول من يعيد أبعيده
وأنه عندي الصاحب أفدي بالنفــس
وبوريده أفديه كبل أوريده
وأنه عندي الصاحب بكلبي يعيــش
وروحي أنزلهه لجل تمجيده
وأنه عندي الصاحب بدمي يعيــش
وأدعي بالتوفيق اله وتسديده
أنه عندي الصاحب أكثر من أخـــو
واليبيع الخوه لا ما ريـــده
والذي باع الأخو بساعة غضــــب
شلون هاي أيدي أحطهه أبأيده
ويمكن الأصلح اله وأصلح الي
خل حياتي عن حياته بعيده
وخلي نبكه أخوان والله ومن بعيـــــد
وكلمن يشيل الحمل لبجيــده

تقبلو تحياتي
حيدر القريشي