شربت الزبيب الاسود

[حيدر القريشي]

السلام عليكم خواتي
اليوم جبتلكم احسن طريقه
لصناعه شربت الزبيب الاسود

شربت الزبيب الاسود
1- دزوا الزغير مال البيت يشتري نص كيلو زبيب اسود اذا يكول الدنيا حاره ما اطلع كفخوه
2-يغسل الزبيب جيدا مع الحرص على عدم ازالة الخشب اللي بنهاية الزبيبة كونه ذو نكهة راقية
3-ينقع الزبيب بالماء مثل التمن اي الماء فوق مستوى الزبيب بأثنين سنتمتر لمدة خمس ساعات
4- يخفق الزبيب مع نفس ماء النقع بالخلاط خفقا شديد اللهجة حتى يستغيث و عينك ميزانك
5-يعصر العصير بالململ او بالفوطة مال الحجية
6- لا تستغربون اللون الفاتح للعصير فما تشربوه عند جبار ابو الشربت(في بغداد ) بيه صبغ اسود..
7- لا تضيف سكر لأنه حلو من كاعة..
8- اشرب و ادعيلي

[ام عدنان]

شكرا لك اخي علي الوصفة الجميلة
وننتظر منك الجديد
تحياتى لك

[حيدر القريشي]

شكرا على مروركي الرائع اخت ام عدنان
وتقبلي مني خالص الود والتقدير
واتمنى لكي صياما مقبولا وافطارا شهيا

[العراقي الاصيل]

مشكور داد حيدر وصفه في قمه الروعه يا رائع
تقبل احلا واجمل التحيات
مع تحياتي

[حيدر القريشي]

حبيبي الغالي علاوي الورده
شكرا عمري على مرورك الرائع
وتقبل تحياتي

[عاشق كاتالونيا]

دائما يا اخي مواضيعك لا تخلو من روح الدعابه
وشكرا جزيلا على الوصفه الرائعه
انته هم تشرب من جبار ابو الشربت ؟؟؟
تقبل تحياتي اخي الورده ودمت بألف خير

[اسدالعراقي]

شكرا اخي العزيز حيدر المميز
على المعلومات الجميلة والرائعة

شكرا على المعلومه الرائعه اخويه حيدر وانته دائما مبدع في مواضيعك المميزه