طبع البيه

[عبد الكريم البصري]

طبع البيه ما يتبدل طبع البيه
طبعي حب للناس الطيبه بكل الدنيه
حتى العادوني و ظلموني
من حبي الغالي حرموني
احبهم يا ناس بكل حنيه
****
طبع البيه ما احجي للناس اسراري
الهم افرح وعايش انه دوم بناري
اغني وافرح بكلبي اجروح
صاير جلطير المذبوح
بس الله يعلم ما بيه
****
طبع البيه ما انسه الاول حبيته
البايعني وانه بروحي وكلبي شريته
هجرته وردت انه انساه
وانسه عذابي وياه
اتالم لو مر طاريه
اتالم لو مر طاريه

[محمد السوداني]

عاشت ايدك وصح السانك اخ البصري
تقبل تحياتي واحترامي
وننتظر منك المزيد

[عبد الكريم البصري]

شكرا لك اخي محمد السوداني على مرورك

[حيدر القريشي]

عمي والله طبع كلش حلو
شكرا لك اخي العزيز عبد الكريم البصري
وشكرا لما خطه قلمك الرائع
وتقبل مني خالص الود والتقدير