دارميات حلوة

[ملكة الاحساس]

اركض واصيح الويل من حبك اني *** اندارو عليه اثنين انت وزماني
بس دمع وتهملين بطرانه ياعين من غرب المحبوب حسبالي تعمين
ينزل عسل بشفاي من اذكر اسمك *** وارسم هلال العيد لو ردت ارسمك
دمع الصبر تيزاب يحرك اعيوني *** ومن عشرتك ما اتوب لو يذبحوني
تمثال الك من مـــاس وبكلبي منحوت *** كل ساعة كلبي ايروح ويبوسة بسكوت
لاتسأل المشتاق اسال اجروحه***تلكي الجواب يكول بس انته روحه
ماظل صبر بالروح واسود نظرهه *** لا من قهر لا ظيم حبك دمرهه
مرخوص الك يهواي فوك الكلب دوس *** اتمنى بس وياك اكضي العمر بوس
عاينت بس لشفاك والبيدي طاحت *** ماردت اكَول أهواك بس عيني صاحت
من رحت نحت عليك نوح اليتامة *** وظلت أثر دمعات عالخد علام

اسمر سمارك حلو والكذلة متره **** والكلب لو ينساك صدكني ابتره
مو بالكلب ونساك ساري وي دمي ... كل علة بيه اتهون لو انته يمي
غربة ودمع همال فايض بأدينة****مشتاكة للطيبين روحي الحنينة
بأخر نفس مخنوك و اتمنى اشوفك.... و اعذرني بس الموت يجبرني اعوفك
ارد انشد الدكتور والشاعر وياه *** شنهو الدوه الموصوف للفارك اهواه
شنهو الجمال البيك كيكة وعليها شموع ... لك والله أخاف عليك من تضحك تموع
روحي ويا روحك دوم خطهن مباشر *** والكلب بس للزين يهوي ويعاشر
خف عقلي كلش راح جيت اسأل التيل *** ما مر عليك هواي يالتظوي باليل
مياده من نشتاگ ينزل دمعنه *** والعين ابد متشوف يثگل سمعنه
ليل وسهر واشواك طبكن سوية *** وسفة التعبت وياه يروح من ادية
انشالله ياربي تعجبكم

[محمد السوداني]

مجموعه رائعه وجميله من الدارمي
كلك ذوق اخت ملكه الاحساس
تقبلي تحياتي وننتظر منك المزيد

[حيدر القريشي]

دارميات روعه لا بل اكثر من روعه

شكرا لكي وتقبلي مني خالص الود والاحترام

عاشت الايادي على دارميات الجميل والرائعه

تقبل مروري البسيط

دمتب بود

[ملكة الاحساس]

شكرا على مروركم الشفاف الله يبارك بيكم

مشكورين اختي على هالشعر الحلو الي يأثر بالصميم

[ابو علي الصكر]

ارد اسأل العشاك واهل الشعر هم
ليش اليجرحه الشوك ما يطلع الدم
00000000000000000000000000000000
تسلمين على هذه الدارميات الرائعه ومشكوره على هذا المجهود الغير طبيعي
تقبلي مني كل الاحترام والتقدير
الصكر

[ابن الوسط]

تلمين على هل المجموعه الرائعه حقيقي انتي
كوين فيلنك