ابوذيات كلش حلوة

[ملكة الاحساس]

يالرايح لبغداد مر بالرصافة
وكلهه الكرخ زعلان والفرح عافه

يكثر ونين الروح من يكبل الليل
مل مني سابع جار وتعمد ايشيل

فول وزهر وشباچ وبالحلگ شصين
تخلص تگلي شلون والچيحة مترين

والحمزه والكرار والكافل اخته
وما اعشك الاحباب الى على عهده

بالك تظن وتروح وتنزل على غطاي
وبحجت البردان وتتشابك ياي

روحي اصبحت مصباح محترفه للموت
جي جرورالتهواه من عدهه بسكوت

كون انكلب فنجان بيد الكهوجي
واوصل لحلك هواي واشكيله وابجي


ارد اسأل الصباغ هم يصبغ كلوب
اسود اصبغه عليك واحزن فرد نوب

يا عمي اريد انخاك يابو المروة... بلكي تمر لهواي واجيبة كوة

اكدلا املا بهواك لكن شكلة...مو اني هم هواي ربالي علة


ما كلت اني اهواك بين علية
فاضحني دمع العين واني شبدية

هم الليالي اتعود ونكعد ببغداد
ونتلاكة وي الاحباب ونشكي من البعاد


ليش الدهر وياي سواهة كلش اكعد بنص الليل وبراسي املش


انتبه يبن الناس بالحب تحذر
كل الكلب ينخاذ ابحب الاسمر

طير ابشبج صياد وجناحه مكسور
عايش لجن مدفون ويه اهل الكبور

انت الكلب والروح يا مي العيون
مالك شغل بالناس شما يكولون

حلوه البجامه عليك ظل بطركها
والكذله روجت ماي مندل فركها

تعجبني كعده وياج لو مره وحده حتى النفس ترتاح وكلبي اسعده

صح من انام اليل وتغمض اعيون بس الكلب والروح بيكم يفكرون

الحزن عاش وياي وتسمة بأسمي
كل صفنة تالي الليل تلكاهة يمي

كل ساعة أون عليك كل ساعة مرتين
مثل الحسن لوصاح وينك يالحسين؟؟؟

احد العاشقين ذهب ليرى حبيبته فوجدها متزوجة فقالت له
مالك يبعد الروح لونك تغير ... عندي خوات ثنين طب وتخير
فاجابها
شلي يبعد الروح انه بخواتج ... بلكي الزمن يندار واخذ بناتج

موبس حجي نقال اني ارد اشوفك مجنونة هاي الناس يردوني اعوفك

جرح الوطن يلتام بس بشرطين
سنة اوية شيعةونصير كلنة والحسين

جرح الوطن يلتام لو ردنة شدة
نتكاتف ايد بأيد والكلمة وحدة


أشواقي مو مليون جمعت ملايين
مقسومه عل أحساس مضروبه بسنين

بطلت من شكواي والشكوه ذله سوالي والله هواي بلكلب عله

الدهر بس وياي عالنهه حربه == مو طلقه حط بالروح حط بيهه بمبه

ارد انهب المحبوب واترك الديره انعل ابو القانون لابو العشيره

يم بيتي كون تصير واشمرلك العين تشبعلي منك شوف ترده بعدين

اشگ الگلب نصين وبنصه اخليك.ويتعارك عليك النصين ياهو اللي يدفيك

ليش التريده الروح يتعزز اهواي

واعلى كسرة عود صار اللبن ماي

لا تشكي هم للناس الشكوة حيره
محد يگول احاه من جرح غيره

يالترجف بتموز خوية انت بردان هذا دلع ياهواي لو عمل نسوان

اتمنى ا ن تنال رضاكم

[محمد السوداني]

مجموعه رائعه من الدارميات الجميله
كلك ذوق سلمت اناملك ودام لنا عطائك
تقبلي تحياتي

[حيدر القريشي]

بالفعل مجموعه روعه
شكرا لكي
وتقبلي مني خالص الود والاحترام

عاشت الايادي على الكلمات الجميل

تقبلي مروري البسيط

شكرااااااااا على دارميات روووووووعة

تقبلي مروري

شكرااااااا على الابوذيات الجميل

تقبلي مروري

[ابن الوسط]

مجموعه رائعه
تقبلي مروري
ننتضر المزيد