ابوذيات كلش حلوة

[ملكة الاحساس]

جرح ينزف ييمه وجرح...يداي
لون يدري بوليي انكتل...يداي
بدم نحرك يخويه صبغت...يداي
ولطمت على الوجه باثنين اديه

يطارش اخذ وياك مكتوب وصله
وعلى اللي ما قطع وياي وصله
أخبره القلب صار اثنعش وصله
وكل وصله تطالب جيبه اليه

حرت مدري شنوحن شبجي يا ناس
على اللي ضيع حبيبه شبجي يا ناس
شباك الناس صادت وشبجي يا ناس
أذبنه ويرد فاضي اليه ....

نتمنه الموت بهل الحال يدنه
نموت ولا نمد للغير يدنه
لا سيد وأقول بجاه يدنه
وشقول للناس لو مديت أديه

جنت انة صافن ضربت اخماس بس داس
وبنيت اساس للمحبوب بس داس
صحيح انت لعبت وياي بس داس
خسرت وطيبتي عمت عليه

انشالله ياربي تعجبكم

[محمد السوداني]

الله الله على هذه الكلمات الرائعه
سلمت اناملك اخت ملكة الاحساس
اتمنى لك المزيد من الابداع
تقبلي تحياتي ,,,,,,,,,,
ننتظر منك المزيد

[سلام الدراجي]

ابوذيات رائعه من يد رائعه ياملكه تقبلي مروري

[ابو علي الصكر]

ملكة الاحساس
كلك احساس ومشاعر رقيقه يسلم ذوقك الحلو
الصكر

[حيدر القريشي]

فعلا ملكه بأحساسك
على هذا الكلام الرائه والنابع بكل رقه وترافه
تقبل مني خالص الود والاحترام