ابوذيات مكتوبه

عشرتي وياك سنهه ما سحكته
وطحنت الكلب كتلي ما سحكته
من دربك مشيته ما سحكته
احس جن الدرب يسحك عليه


موساف انته عقلك علمسافات
وشعرك ليله ظلمه علمسفات
اليحب يعتني غصبن علمسافات
ويبجي الليل لو حن بلمسيه


كلبك ابد ماحس من اذاني
ومااعرف صلاتي من اذاني
جنه اثنين كطنه من اذاني
وانشلعت بعد منرد سويه


لمرض كض روحي انته من كضك
والدنيه وليش كلي منكضك
ادعي امن الله اكولن من اكضك
وينك يا علي و تلزك اديه


حبيب انه اريدك واخ اريدك
ودواي ايدك شعطل وخريدك
شمااكضك تكلي وخر ايدك
ردت مراد من مديت اديه


اشكف بس بديه الوكت منهد
وعليك الدمع علخدين منهد
ومن يوم الرحت والحيل منهد
واطيحن من تهب هويه قويه


انتخيل نحل جسمك ونتصوره
انته اشرحلي حالك وانته صوره
ابوسنك واحضنك وانته صوره
وانه وصورتك نغفه سويه


يا ايام الفرح وياي دومن
انه المحروم من الضحك دومن
علي حزني على الراسين دومن
وخمس صايات والدوشش بديه


بعدك انه احسن بيه بعدين
عصافير بحجر والقصد بعدين
اكلك يمته اشوفك كلت بعدين
ياهلبعدين يمته تصير جيه


الرسول اسلام اخوه قال باله
وما صافي الاحبه قال باله
عشرته وياي صارت قاله باله
يحن مره وكلب مره عليه


مع تحيات الشاعر
مظهرالزبيدي

[محمد السوداني]

ابوذيات رائعة وجميلة وتستحق التقدير
تحياتي لك اخي العزيز ,,,,,,,,,,,,
واهلا وسهلا بك في بيتك الثاني اتمنى لك طيب الاقامة
مع كل الاحترام والتقدير

لجل تعبك اقدر وانه اشكر
الناس صارتلك ملح وانه شكر
الزمن ماكر بعد طيبك وينه اشكر
لان طيبك يسد حد المنيه
مشكوووووووووووووووووووور حبي

تفوح ازهارفرحتنه والآمال
وقلبنه بحب علي ثابت ولامال
بساعة لا ولد ينفع ولامال
ينفعك حب علي حامي الحميه

[شاكر الهلالي]

موضوع صارله سنتين

ماكو داعي يظهر بالواجهه اخي الغابوني

يفترض ان المواضيع التي تتعدى الصفحه العاشره تغلق 0

ابو ذيات حلوه
عاشت الايادي