رد: قصيدة الدوله والعثگ/للشاعر كريم تويج النجفي
المشاركة الأصلية كتبت بواسطة كريم تويج
الدوله والعثك
دولتــنه تاكل بالعـــــثك ظل بنفسهه الطايحه
محروم عايش هالشعب يايـوم هيه تـصالـحه
عاش العمر بس محروم
كل يوم أتعس مــــن يوم
يمته الفرج يبن النبي والعين ظلت شابحه
***********
كلنه نتهه عــــهد الظلم بالكن نعيش ونرتــاح
شفنه الوضع اتعس بعد بنيه الالم صار جـــراح
والدوله ميهمه البجي ولا همه شنهو الي راح
كرسيهه عند الي مهم والكون لو كله طــــــاح
متمركزه بحجي الچذب
مو كافي مو بسكم نهب
عدهه الچذب ساحة قدم والدوله تلعب سارحه
****************
أغنه الدول هذا البلــــــد أشكال مليان الـوطــن
نهرين يجرن بالوفـــــه كيعانه حلوه وخضّرن
غير الذي تحت الارض خيرات بيهه تجمعــن
وترابــــه مهبط للرسـل نسماته هيل تعــــطرن
وين الذي يراعي الضمير
وحســاب يحسب للفــقــير
ويـــوزع الثروه بقسط وتكـون كلهه رابحه
****************
مليانه گاعي مــــن النفط مـــن البـــــرد نتـــلوه
وشطوطي معقوله أنشفت والماي ينزل كـــــــوه
أسـف أنه گلوبي أحـــترك خط الطوارى بي ضوه
أشكــال تلگه بـهالــــــبــلد همزين بـــيد الله الهوه
فهموني ياأهل العقل
بالدوله لو بينه الخلل
چا ليش من أحچي الصدك بوجهي تصيح الصايحه
جوعان ماعدنه بعد ولاباقي واحد معتاز
كل واحد وبيته ملك راتب اله شگد ممتاز
ونحلة ازمة هالنفط بالبوري يمشي وي الغاز
هذا العمل عدنه حلم مركون قيد الانجاز
بالفين والمية عام
تلكاه خيرك كدام
خيرات مليان البلد متگلي المن رايحه
ياهو التلزمه انكر يدك والكرسي يدري دوار
عوفو الطمع صلحو الوضع مو كافي لم الدولار
بس مره حسو بهالشعب لاينفجر صاير نار
وگت الغضب كل تنسحك مايبقى الهم تذكار
عالجرف صاير هالخطر
بركان ساعه وينفجر
وگت الصفر نار وتشب ماتسمع اله النايحه
مسكين يتمسكن اجه للكرسي حين الي وصل
خلاك عايش بالوعد بالجنه يزرعلك امل
عالشاشه من يحجي الك لاگصة تعرك لاخجل
من يحجي شيصطر چذب عنده الچذب اصبح غزل
بحلامه طاير للسمه
وفكاره كلهه مسممه
الحكام من تبوگ اظن اقره علينه الفاتحه
بقلم الشاعركريم تويجحياك الله ياخ كريم
كأنك الناطق بلسان حال الشعب
بارك الله فيك
تقبل تحياتي
مع اجمل المنى
رد مع اقتباس