ومضات دافئة
1ـ شفة جرح
مر بيه نهر عطشان ألك موت
يمته جروفي يرون بيك يمته؟
ماطاب الجرح لتشوفه ملموم
من كد الألم عظ عله شفته
2ـ أخذني وياك
أنه تحيرت بيه ودخت وياي
وبجت وياي عيني بدم عليه
اخذني وياك مني وكلشي ماريد
إذا سافرت وحدك شلّي بيه
3 ـ الجفافي
رسم بيه الوكت غربه ومحطات
وتموز وعطش فطّر شفافي
بجيت عليك حد ماطاحت العين
وره عيوني بجن دم الجفافي
4 ـ سهام
إلك بيه دمع مو مال ساعات
ولايكفي البقه بعمري من الأعوام
وإلك عندي حجي شايلته العيون
يطوي الكتب كلها ويكضي الاقلام
سهامك من أجن صح طلعن ابساع
بس طلعت الروح بطرف السهام
5 ـ دمع الباب
جا شيصير كون تفك علي شباج
وتطفي الظلام وتنهي موضوعه
خطيه انه ولك موبابي صار سنين
يتنطر جفوفك تمسح دموعه
6 ـ بالعبّاس
بسّك لاتسولف مال عني تروح
مابياش ادور من جديد أفياي
واذا قررت ترحل انه اروح وياك
بالعباس اكلك مااظل وياي
رد مع اقتباس
رد: ومضات دافئة
