عديت الوصف

[غفران الحزين]

بلوصف عديت كلمات الوصوف
الوصف نفســة وصـف راعيهة

الشعر سـايـل ومـايـل عالجتـاف
والشفـــايـــف عســــل لطبكيهة

مو سمار ادكول سـودني السمار
الـوجــــــه يمكن نجـــم طــــاليهة

ماتسيطر لحضة تصفن عالخدود
خــدة ســاطع نــور مــن يلويهة

ياحبيبي الروح صارت بين اديك
وانـــة لجلك روحـي والله افديهة

خل تكول الناس مجنون ومريض
انـــــــــة احبك والبشــر شعليهة

انـــــت صاير للكلب مثـل الوريد
وانــة لو مــو انــــت رايــح بيهة

انـــة حبـــك بي حالـف ما اعوف
وحـالــــف ويــاك الكلب يكَضيهة

انت مثل الشمس صاير بينة ليش
الدنية مــــــــرة وانـــت لمحليهة

انة صايـر مثل شجرة تريد مــاي
وانت راعي الماي وانت سكيهة

لان روحي تعودت بس اعله اديك
وانــــت مرهــم جفـــك ايداويهة

انت منـــــك هلورد ياخــذ عطور
عطرك العنبــــــــر ولك ســابيهة

انــت وانــت وانــت اول بلحيـاة
وانـــت اخـــر دنـيتـــــي وتاليهة

[اميرة الورد]

قصيده جميله شكرا لك ننتظر جديدك

[العراقي]

قصيدة رائعة

مشكور اخي للقصيدة

تحياتي

[غفران الحزين]

شكرااااا على مروركم الجميل

احسنت ياغالي
كلمات جميله ورائعه
لك مني كل الود
الظالمي

[غفران الحزين]

شكرااا اخي العزيز على مرورك الجميل