ابوذيات حصرية للفراتيين ..

[@عراقية@]

السلام عليكم
جبتلكم اليوم ابوذيات متتفوت


ياهوانة
انت النفس واحتاج شمك ياهوانة
والعمر ذلة بغياب ياهوانة
أتيه نفسي يمك ياهو آنة
وبس حبك اليدليني علية..


يا سر
تسرني على كلمة احبك هذا يا سر
الك رمشين واحد يكتل والثاني يأسر
قسمت بالكال صبرا آل يا سر
احبك من كبل عمار وسمية..


دكيت
انه بجفي وتد للناس دكيت
وما يوم بالناس دكة نذل دكيت
بعدني ما طحت وانت طبول دكيت
شد وصلة بعد واركص علية..

مع تحياتي

[ابو علي الصكر]

تسلمين وتسلمين وتسلمين000

والله ابيوت من مرمر مو شعر 000

الله ايخليك ويحفطك يارب من كل مكروه0000
00000000000000000000000000000000000
بخت يزداد حتى اوصل ونالك

يحلو الطول اليه انت ونالك

ما تدري اشكثر كلبي ونالك

ابصباحه عليك واكثر بالمسيه
000000000000000000000000
عذرا على مروري الثقيل000

ننتظر المزيد

[@عراقية@]

ممنونة جدا لمرورك وكلماتك الراقية اخي الغالي..
ويارب دائما تنال ابوذياتي اعجاب الجميع..
تحياتي