يا دنية بظيمي وبشكواي حسي
وعن وجهي غبار الظيم حسي
أريد أصرخ وصيح بعلو حسي
يمته إتحسين يادنياي بية


مثل الجمر يادنية من أهلة
وصَدكَ كل سبب حزني من أهلة
مدري الظيم من عندة من أهلة
صفو هُمة وظلم هجرك علية
**************


جرح الكَلب من سنين يدي
وكَصيرة وماتنوش الفرح يدي
عرفت الظيم وآنه بظهر يدي
أكَول أسود شعر والشيب بيه
***********

وحشني حبيبي الشوفتك كَلبي وحشني
وحبك كَطع إكَليبي وحشني
زماني الجابني البابك وحشني
سنة أعله الباب ماتطلع عليه


الدنيه أشكم ظلع لجلك بجتلي
وأنته إشبيك تتباهة بجتلي
بجتلي إعداي والغربة بجتلي
ولا مرة بجيت أنته عليه
************


شنو رأيكم مع تحياتي مغرمة حسام الرسام