المرحوم رحيم المالكي يعاتب الفرات

المرحوم رحيم المالكي يعاتب الفرات

ذولا اهل البيت يانهر الفرات جوك عطشانين دكو بوبك

العطش خله حسين يتعنه ويجيك بحر يطلب ماي من حبوبك

ماعرك وجهك خجل لمن اجاك جان كل ظنه تسيل جروفك

طاع موسى النيل كبلك يافرات وجان قاسي ويه الحسين اسلوبك

****

ان جان مايك يغسل ذنوب العباد اشلون تغسل مايك من ذنوبك

لان يمك طاح عطشان الحسين , وطاسه صارت لال اميه اجفوفك

يافرات الماي مو قصده الحسين جان يعرف موقفك وصعوبك

******

يافرات تريد تدخل للجنان شكو اصدك يانهر من حيدره

يافرات اشلون تدخل للجنان ومن يوقعلك بعد على التذكره

يافرات انته لو تخجل صدك جان استحيت وجان عكب حسين مايك ماجره

شربت خيول العده منك زلال وعطش عبدالله وشرب من منحره

عَطشيت حسين وعيال الرسول وكطعيت جفوف سبع الكنطره

ومن عطش عبدالله يانهر الفرات ناده لك احسين ورخص منحره

يافرات انته لازم تزحف لحد الخيام وصير كلك لابن حيدره مصدره

*****

اشلون تجري ومايك ازرك يافرات ونته مو ذنبك ذنب يفطر سمه

اسابكت بالطف عله حسين السيوف وانته مايك سهم لحسين ارمه

وجان مايك اشد من كل السيوف اثر عله حسين والله المه

**********

سورة الفاتحة على روح

الشاعر الشهيد

رحيم المالكي

ولكم الآجر والثواب

[ارشيف الفرات]

بارك الله بيج اختي العزيزه لنقل هذه القصيده الرائعه للمرحوم رحيم المالكي

شكرا على المرور اخي.
دمت بخيير

[صكر الأميره]

حسين صافي واصفى من ماي الجنان

وانته اصلك طين وجروفك طمه

حسين لو منك شرب جان ارتويت

وجا تشرف مايك ولامس فمه

لكن انته الحظ عماك وتيهت

وسوء

حظك

رادلك هالخاتمه

احسنت يا اصيله يابصراويه المولد

اخوك الصكر

اشكرك اخي الفاضل على مرورك وردك الطيب.
دمت بحفض الرحمن اخي.

[ذيب الغزالية]

بارك الله فيك

وجزاك الله كل خير

وجزاك كثر انشالله.
شكرا.اخي الكريم.

[اميرة الورد]

الف شكر وجزاك الله خيرا ولاتحرمنا من جديدك