+ الرد على الموضوع
النتائج 1 إلى 2 من 2

الموضوع: قصيده للشاعر صباح الهلالي

  1. #1
    فراتي معز الزيدي is on a distinguished road
    تاريخ التسجيل
    Jan 2008
    المشاركات
    47

    افتراضي قصيده للشاعر صباح الهلالي

    صباح الهلالي

    ممنوع همس الشفَة
    ممنوع بالحب رجفة
    وذبلة خدود الترفة
    ابغداد ممنوع العشك.
    نسكت كلبنه يحترك؟
    ممنوع ان نحجي الصدك
    كدامي اخرس ماحجه أشر وكصوا جفه
    ممنوع اليأشر ...صدك؟؟؟؟؟
    وزعوا موت اعله الخلك
    خفنه ورجعنه ليوره
    وجبرونه ان نلزم سره
    الكدام يسال بالوره
    شنهي الحصل ؟؟شنهي الجره؟؟
    ثاري مثل موت النخل واحدنه ميت وكفه
    وهم كلنه باجر تصفه؟؟؟؟
    عالغصن حية مزيفة
    العصفور طير شعرفه
    سد عشه للنخله صعد
    كضته سنون السعفه؟؟؟
    وقرروا في جذع النخل ممنوع ترجف سعفه
    وممنوع تنبت سعفه
    ولو وحده رجفت من غضب او صدفه ولادنى سبب
    يكصون راس الصدفه؟؟
    بكل ذره من جسمي تعب
    بكل غرفه من بيتي حرب
    ينكلون اخوتي بهالحطب؟؟؟؟
    ويدعون بس لا تطفه
    وهم كلت باجر تصفه
    انعيش في نفس القفص
    بس اني وامي وجدي
    القفص يسووه مملكه
    وامي احسهه الملكه
    وجدي امتداد لكل ملك
    بس احس روحي مجدي؟؟؟؟؟شهبندر وماعندي
    الكلب ....ابن كلب النفط؟؟؟كلهم كلبهم ضدي
    امي وابوي وجدي
    وهم كلت باجر تصفه
    القفص جان بغرفه
    بعت القفص والغرفه ومابعت امي وجدي
    الرايح ايكل للراجع
    قنبله براس الشارع
    والناس كلهه تباوع
    من طكت بعيني شفت
    مكطوع راس الشارع
    ومحد يوكف نزفه
    وانسه القفص وانسه السجن
    وينزف على خدودي وطن
    من اسمع غنه داخل حسن
    واتمنه بيدي الدفه
    وانكسر مثل الكزاز
    من احلم بقنينه غاز؟؟؟؟
    اتشظى مثل الكزاز
    من احلم بروحي سفير
    وعمري ماشايف جواز؟؟
    ومرعوب افز من الحلم
    من خوفي بطلت اغفه
    وحبيت لاكن حاير...بنية بشكل ماصاير
    بس بيتهم عالساتر؟؟؟
    والغام.....بيني وبينهه
    لكن من اذكر عينهه
    والحصل بيني وبينهه؟؟؟؟؟؟؟؟؟؟
    تابوت احط للزفه
    وترجع بديه الدفه
    وشفه احط عالشفه
    وترجع خدود الترفه
    ومسموح همس الشفه
    ومسموح بالحب رجفه
    وكل اللي كلته الكم....جذب ؟؟؟
    شاعر مسودن من احب
    ابغداد مسموح العشك
    ابغداد ....بس احنه الصدك
    وغصبا على الكل تصفه

  2. #2
    عضو مشارك Ali Hassan is on a distinguished road الصورة الرمزية Ali Hassan
    تاريخ التسجيل
    Sep 2007
    الدولة
    Denmark
    المشاركات
    71

    افتراضي رد: قصيده للشاعر صباح الهلالي

    عزيزي معز الزيدي
    نقل رائع وجميل سلمت اناملك وعاشت ايادي الشاعر
    صباح الهلالي التي خطت هذه الكلمات المعبره

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك