{چانن صدگ}
......................
چانن صدگ
آه يازمن
چانن سوالفنه صدگ
وليلنه محمل عشگ
ماندري من يحدي الگمر...
وشموعنه من تحترگ
چان الهوى...
محمّل هوى
أعذيبي ينشم العشگ
اليوم الهوى
مابيه هوى
والزمن صبح مختنگ
لا عطر بخدود الورد
ولا طعم بشفاف الشهد
ولا نبض لحبابه يدگ
ولا شته....
ولاصيف باقي
من الغصن ...
طاحة اوراقي
ولا ورد عوده يطگ
أسنينا ...
بالعشگ شابت
أنجومنا..
وي الشمس غابت
لا حدث غير الحال
ولا حلم دار بخيال
كلوبنه انحرگة حرگ
چانن صدگ
...............
كلمات
ناصر الموزاني