مسودنين
شما نحط فوگ الشفايف
كلمه نلگاهَا حنين
مسودنين
مره ردناكم تجون
نسمه ردناكم تجون
وبيكم أناغي الجفون
أرموشنه....
ملت سهرها
والگمر...
چَل وعبرها
أشموعنه..
نزعت دمعها
أدموعنه...
وشّل نبعها
لاورد فتح أخدوده
ولا عطر فوّح أبعوده
ولا سفينت نوح....
ودتنه لوطنه
ولا أجونه...
بغربه أهلنه
حيره والله محيرين
مسودنين
..................@@
بعده شاطينا...
يظل ناطر شراع
رغم ندري الصبر بينه..
وصل لحدود الضياع
نحچي بيكم...؟
السبب بينا...
مدري بيكم
صارت أحچاياتنه ..
چلمه أبطرفنه
ومن سوالفنه أنعرفنه
گمنه نحسد....
أگلوب متود
أگلوب ما جاها هوى..
ولا مرها ضيف
گلوب ما مر أبرمشها..
العشگ طيف
لا گمر..
مفتوح رمشه
ولا فجر..
بَشّر أبغبشه
ولا وطن ...
نسانه موطن
ولاگلب..
خلانه منحن
ولا زمن رد السنين
مري المن ناطرين
مسودنين
.............
القصيده كتبت سنة1986