كتبت في زمن الدكتاتور سنة1995
{مادام صار الحرس}
.....
مادام صار الحرس
ذيب باسم ناطور
والقائد اعله الفرس
يتبختر المغرور
لتامن شما لبس
هاي الملابس زور
هذا نظام الدنس
هذا نظام الجور
الشعب نصه انحبس
والثاني نصه اكَبور
حته الزمان أنهوس
وياهم عكسنه يدور
والفجر مابيه نفس
خافنه مات النور
بهل الزمن كلشي أنعكس
الاستاذ اصبح ثور
والثور بدله لبس
رأسا صبح دكتور
والشاب مهما درس
جندي بحرب مجبور
ماطول باقي النفس
لابد يجينه النور
.....
كلمات
ناصر اسماعيل الموزاني
كتبت بتاريخ1995