+ الرد على الموضوع
النتائج 1 إلى 3 من 3

الموضوع: الرد على قصيدة بخت السواعد- العملاق حسين الساعدي

  1. #1
    فراتي جديد ما مرتاح is on a distinguished road
    تاريخ التسجيل
    Mar 2012
    المشاركات
    23

    Laughing الرد على قصيدة بخت السواعد- العملاق حسين الساعدي


    لأن متأكده من بخت السواعد





    شفت اسمك كلت يمكن اجه العيد
    واجيت ابسرعه اسجل والله شاهد

    ماضل منتدى ينشر اناشيد
    منك اله بيه تلكاني كاعد

    وجيت اهناه لكيتك والأجاويد
    كلهم طَيبين ابكلب واحد

    مثل فرحة طفل صبحية العيد
    فرحتي بيك من شفت القصايد

    بس انته عفتني وعندي تأكيد
    يمكن هاي اشاره اتريد اباعد!

    وانته ابن الأصل ما ظنتي اتحيد
    عن عرف الكرام اولا تعاند!

    اليجي خطار ميسئلونه شتريد!
    إذا ما ضل ثلث تيام كاعد!

    وعفت خطارك انته ورايح ابعيد
    باول يوم اشوفنك تباعد!!

    أريد امشي القبيلتكم ولا اهيد
    ابخت كلمن فريضه اهناك اناشد

    وَاكللهم احكموا يا أجاويد
    ابنكم عاف خطاره ايتشاهد

    ويكلولك عَملتك هاي متفيد
    لأن متأكده من بخت السواعد

    بقلمي

    مريم




    ---------------------------
    الرد من العملاق حسين الساعدي


    رائعه يا مريم
    قصيدة بقمة الروعه
    موزونه وبقافيتين وحقيقة شي ررررررررائع

    وخل انشوف قصتك مع ولدنه العافج وانتي خطاره شنو عذره!
    ههههههههههههه



    اجيتي للسواعد صايحه ادخيل
    وصلتي السلف ما بايع ضَميره

    والضيف اليجينه انقبله تقبيل
    ونفرشله الكلب قبل الحصيره

    عَشيرتنه أبد ما تقبل اتعيل
    وهاي السالفه كلش جبيره

    وإذا تثبت وَلدنه هَدلج الحيل
    هسه انطرده من كل العشيره

    حَقج ما يضيع ابهل تَعاميل
    ولا مات البخت بالعنده غيره

    بس احجيلنه ابكل التفاصيل
    وَلدنه وين عافاج ابجزيره !

    لو بالمنتدى ابصفحة مراسيل
    وكتبلج بالشعر ومضه قصيره!

    يمكن عنده شغله وصار تعجيل
    غصب سافر ابساعات الضهيره!

    خل نتصل بَلكت عنده تعليل!!
    ليش ايعوف ضيفه ابهيجي حيره!

    وَلدنه ايكول فَكر يمشي بالليل
    طلع وبسرعته إوما أخذ خيره!!

    مشه للحله وبدرب المحاويل
    إوبالسياره طباله ابحَفيره

    وهسه بالطواري ايصيح ياويل
    وايده امجبره ورجله كَسيره

    ويكول الخاطرج لمن سرع حيل
    راد ايجب ورده الهل ضفيره



    الشاعر
    حسين الساعدي

    منقوول

  2. #2
    عاشق البصره قاسم الناصري is on a distinguished road الصورة الرمزية قاسم الناصري
    تاريخ التسجيل
    Oct 2009
    الدولة
    الناصرية
    المشاركات
    400

    318 رد: الرد على قصيدة بخت السواعد- العملاق حسين الساعدي

    رائـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــعة

  3. #3
    فراتي مهم جدا سلام الدراجي is on a distinguished road الصورة الرمزية سلام الدراجي
    تاريخ التسجيل
    Feb 2008
    المشاركات
    4,461

    افتراضي رد: الرد على قصيدة بخت السواعد- العملاق حسين الساعدي

    رائعه القصيده والرد عليها تحياتي لكم جميعا

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. ابتسمي تَكَلمي!الشاعر حسين الساعدي
    بواسطة ما مرتاح في المنتدى منتدى الخواطر
    مشاركات: 1
    آخر مشاركة: 30-12-2013, 06:39 PM
  2. كانوا هنا! بقلم الشاعر حسين الساعدي
    بواسطة ما مرتاح في المنتدى الشعر العام
    مشاركات: 4
    آخر مشاركة: 01-02-2013, 08:49 AM
  3. ومضة-العيد؟ الشاعر حسين الساعدي
    بواسطة ما مرتاح في المنتدى الشعر الشعبي
    مشاركات: 0
    آخر مشاركة: 26-10-2012, 01:09 PM
  4. دارميات الدار!بقلم الشاعر حسين الساعدي
    بواسطة ما مرتاح في المنتدى الدارميات
    مشاركات: 1
    آخر مشاركة: 19-03-2012, 09:06 AM
  5. ياشمس!بقلم الشاعر حسين الساعدي
    بواسطة ما مرتاح في المنتدى منتدى الخواطر
    مشاركات: 1
    آخر مشاركة: 11-03-2012, 08:42 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك