السلام عليكم ورحمة الله وبركاته والصلاة والسلام على محمد وال بيت محمد
خوتي وخواتي جرى معي هذا الحديث مع واحد يمني بماليزيا
واريد رايكم بلة خوتي وخواتي
جنت كاعد بمطعم عربي اتعشه
وكاعد يمي واحد من لهجته يمني
كال الاخ خليجي
كتله عمي احنا خليجين بالطوبة وبافتح ياسمسم بس
اني عراقي
قال لا اله الا الله
اني فزيت كلت شكو خير
كال قلبي معكم على خسارتكم
قلت اله عمي احنا فزنا بالكاس وحسام الرسام غني جيب الكاس جيبه بعد يا خسارة
هنا بدا القهر والمرض سمعو
كال لا قصدت خسرته فارس الامة الشهيد هدام
طبعا حتى الاكل نفسي لعبت منه
كتله شلون خسرنا يمة
كال لكم كرامة ووجود بزمنه
ولكن صبرا فان بن لادن ورجاله ليرجعو لكم كرامتكم وبلدكم
قلت اله زين بن لادن ( تكرومون ) من يفجر بسوق لو مدرسة لو باص لووووو هذا جهاد
كال هاي هي ضريبة مقاتلة المكافر المستعمر المحتل
جاوبته زين ما جيتوا قاتلتو هدام من قتلنا وشردنا ويتم النسوان وديح الشباب ووو
قال الاخ شيعي
كتله اني عراقي مسلم من شيعة امير المؤمنين علي بن ابي طالب عليه السلام
قال اني لو عرفت انك شيعي لما كلمتك
قلت اله ولك يمني ابن اليمني اني صوجي زفرت نفسي وحجيت وياه واحد مثلك
هذا اللي جره وياه وطلعت مطحون قهر واتمنيت ابسطه بسطة بس اقامتي منتهية ومخالف ومااكدر اسوي مشكلة
بس اتمنى من ربي
وبحق محمد وال بيت محمد
عراقنا يستقر واوشوف عربي بالعراق اووووف يابه
الله كريم خوتي وخواتي
يلة يابه اترخص هسة عندنا الفجر بس اني من قهري ولاكدرت انام والله كريم
وصلو على محمد وال بيت محمد