{ياليل دورلك ضعن}
...............
ياليل
ياليل دورلك ضعن
ياليل كلش طولت
والصبح نجماته بطن
ياليل مليت السهر
كف عني...
ولگالك وطن
الرمش يسحلني سحل
ياخذني يم جرف النوم
والعين مكتوله كتل
چن طيره تعبانه اتحوم
كحليت أعيوني
من لونك ياليل
تعبيت أرموشي
يالدربك طويل
شما ألاوي ظلمتك
ما تنلوي
من يلاوي وحشتك
وانته القوي
ياليل دلّي ..اعله
الصبح نجماتك
ياليل سلم..
للفجر رايات
خلصن أسنيني
خلصن أسنيني..
بصوانيك شمع
خلصن أعيوني
ولافاد الدمع
لا..نده كحلّك فجر
ولا..فاد وياك الصبر
ياليل
ياليل لارد المحب
ولاعيني مر بيها الوسن
ياما انتظرتك ع الدرب
وطيوف فجرك ما اجن
......
ياليل دورلك ضعن
ياليل كلش طولت
والصبح نجماته لابطن
...
كلمات
ناصر الموزاني