قصيدة للشاعر المبدع حمزة الحلفي اغضبت المسؤولين والساسة العراقيين

قصيده للشاعر حمزه الحلفي ا لقاها على المسرح الوطني وكان عدد من الساسه موجودين وعند قرائتها خرج نصف الساسه الذين كانو حاضرين وعندما طلب الجمهور اعادة القصيده خرج النصف الباقي من الساسه والقصيده تقول:


شمتانين



كصت بينه السيوف.. وذبح ترس العين
شمتانين
فضوهه المنايا تحوك بالساعات
واحلوك الشوارع تاكل الميتين
شمتانين
شوارعنه حمر صابغهه لون الدم
وسره اعلى الموت شوف اشلون مصطفين
شمتانين
بغداد العروس اتحولت تابوت
ورجالات الحكومة جنهم معرسين
موفاض الصبر وانتو ولا عل البال
وعلى حب الكراسي صرتو نجارين

شمتانين
اغيوم الحرب تمطر جمر عل الناس
وانتم روس تمشي بناس متغطين
شمتانين
حوارات الموائد والسمج مسكوف
وبصحون المصايب احنه متعذبين
تموت اطفال عدنه برهبة البارود
وانتو اطفالكم بالغرب محروسين
بعد بسكم حملنه من الصبر اطنان
وتسجيل الصبر ماينكتب مرتين
لاحت والحلوك اطشرت بالريح
وضاعت من دربهم باثر زين وشين
تكولون اتفقنه وهي حسبة يوم
جاوينه التوافق كلكم متنكين
ياعمي الجرح مايمض بالمنشا
بس ياذي الخشب من ينشطر نصين
صلوها اعلى قبله الشعب فاضت بيه
بعد هي تلوج بينه الواحد وتسعين
طز بكل سياسه التعبد الدولار
العراق يموت اكعد هز ضميرك زين

ارجو ان تنال اعجابكم

عشت ... رائـــع واكثر من رائــع ... اختيار جميل .. بوركت يا عاشق البريسم ؟ حمزة الحلفي ( غني عن التعريف ) .. وانا شخصيا" معجب به جدا" ... أمتعنا بالجديد يا البريسم

تسلم على هذه القصيده ماقصرت

[وليد المهندس]

جميله جدا شكرا جزيلا على النقل

[Ali Hassan]

احسنت اخ عاشق
كلمات جميله ورائعه للشاعر المبدع حمزه الحلفي
مشكور اخي على هذا النقل الجميل
سلمت الايادي

تقبل مروري

[العراقي الطيب]

مكوررررررر والله سلمت ايدك تحياتى الى الشاعر المبدع

السلام عليكم انا اخوكم العراقي

همك وهم الناس وهم هم الايام
وفوكاها هم العين ما تقبل اتنام