مولود لفاطمه الزهراء عليها السلام ((حلم خادم)) (41)

**********************
حلم خادم رسم بحلامه ألچ صوره
دمعته بحيره رادت گبرچ أتزوره
فرح مشتاڱ ** عالخـــدين
يخط اشواڱ ** ماي العين
******************
گبل مايكتب حروفه ** ضميره أيسابك أنفاسه
الگلب ويّاه يتسابـك ** كتبها بأجمل أحساســـه
ختـــــم ودّه** وعليه يكون
التزم عهده**أبــــد ميخون
الدمع ورق الرسايل والضلوع سطور
بدمّــه كتب عهده والورد منثـــــــــور
****** بسلامه يختم حروفـــــــه وشعوره
****** حلم خادم رسم بحلامه ألچ صوره
******************
يفاطم اجمل الاوصاف ** لو يدرگها وجداني
شوصف من بهاء النور**نورچ يشع ربّانـــي
الخط احتار** بضنوني
ياأفكـــــــار** عينوني
مقامچ أزهر بسابع سمه ضيّه
اكتب والكلام ايعاقب أيديّـــــه
*****مايوصف كلامي حرفي وشعوره
حلم خادم رسم بحلامه ألچ صـــــوره
طيف وياي يحيّني ** يمرني بعالم الصحوّه
***************

اعيش وياه افراحي ** أتاني وبس أله أهوه
تربي العين ** لحلامي
يم حسيـــن ** أيامـــي
بين رموشي وجفوني أظّــــم الطيف
وشمّه هوى عذيبي من نسيم الصيف
*****محراب بخيالـــي أسجدله لظهوره
حلم خادم رسم بحلامه ألچ صوره
*************
روحي ونفســــي تتعاتب **تدّور معنه أساميها
وصلت شاطيء الاسماء ** لكت بسمج معانيها
حييتي ذاتي** تكوينـــــي
حياتي انتي** طهر طيني
زاي وهاء واو والف والهمزه
لفراح المواليوالحزن رمزه
*****شفاعه أله بيوم الحشــــر مذخوره
حلم خادم رسم بحلامه ألچ صوره
******************
أريد أوصلّله للكوثر **أشرب منّه وتوضَه
وصلّي وأعلن محبتي **غصبا عله المايرضه
موالي الزهره** سمّوني
أحب العتره ** خلونــــي
مثل ماي الورد والهيل أطش روحي
وداوي بالملح لوعاتي وجروحي
***** ود فاطه الجنّه وفيضها بنوره
***** حلم خادم رسم بحلامه ألج صوره