ابوذيات قديمة

ماأجمل الأحساس الرائع عندما يقترن بروعة التعبير ...

عندما يكون صادقا ..ومن القلب وليس غير القلب نابعا ...


.جمعت كل الوان الابدع والتميز والجمال ....
أبدعت اناملك الذهبية بحبكها ونسجها ..لتكون بهذا التميز .........

"""دمت بالف خير ..ودامت ابداعاتك


مع تحياتي

حاير بلرساله شجر شملاي
الك يلبيك همه وريح شملاي
تشتتنه اشكثرينجمع شملاي
مع شملك وقدملك تحيه

هلة يل بيك اشد العزم والحيل
تلكيتة حبيبي وصاح والحيل
يخوتي امضيع اني الراي والحيل
لا هو ابعيد لا هو ابين ادية
تقبل مروري اخوك الشاعر خالد الميالي

[M_D_N00]

أبوذيات جميله ورورعه
ننتظر المزيد
تقبلها مني

عاشت ايدك اخوي ابوذيات كلش حلوة
تسلم
تحياتي

مجموعة ابوذيات للشاعر ملا فاضل السكراني من الاهواز

احبابي من مشو عني وصومن
وجب لفراگهم ابچي وصومن
اصدن عن منازلهم وصومن
ذاني ولصده يكلف عليه


ها يذبل يضل الگلب هاذل
الك يالما اللي تميت هاذل
يمته اتمر وگل للناس هاذل
الهذل شوگي وعمل ما عمل بيه


يخوتي انهارت اعصابي شفيهه
وگل ياعارفه اجروحي شفيهه
شطر زوره محن گومي شفيهه
من اطرهه اطرور اسه تتسع بيه


تهلت يا صاح شنهو يفيد تهلاك
وخوفي اعليك من هل وكت تهلاك
انچان انته ابظلام اليل تهلاك
ظعن ظعني الضحه تاهه من ديه


هم شتلك شمل يالمت شتلاي
وتگلي اتلي اكتاب الصبر شتلاي
الغريب اصبح يعيش ابثمرشتلاي
حلالي وحرّمه الباطل عليه

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ


نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية


على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية


باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية


هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه



حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية


الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه


انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه


عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

شفتك كون امص منها عسلها
و بشم ورد وجناتك عسلها
ضعون الشالتك ناهي عسلها
كل بصدورها ولاكطعت فيه
الاديب الشاعر فاضل السكراني

[طيبة النجف]

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية



يسلم الاختيار المتميز لهذه الابوذيات
تقبل خالص ودي لسموك الكريم

[نسيت انساك]

شكرا لك اخي العزيز على الابوذيات الرائعه تقبل مروري المنتواضع دمت بخير تقبل تحياتي