اسمي بجواز السفر تعبان ابن مره
من الكصه وياهم وكت ما عف ولا مره
من اولاد ذاك الذي دك بالصخر مره
من شاربين العطش من عاصرين الجود
للمبعد الينتخي ولليدك باب الجود
لايبخلون بعطه ولا يردون الجود
عدهم شحيح الخبز مثل الجثير الضال
بفيهم ينام التعب لو شح عليه الضال
اليضيفون النجم واليدلون الضال
اهلي الجرح والصبر لو تسل عن همهم
وامهم الترضع وفه شما كلت عنهه امهم
ضل تاج عزهم فخر ما نزل عن هامهم
عشرينهم ما طفت ما تننسي شعبان
بزمورهن سولفوا وهلاهن شع بان
واهلي اصلهم شعب ما ينجسم شعبان
بالحلو بالمر اهل هور وجبل وانهار
هم شفت ريح اوجعت ظهر الجبل وانهار
ذوله اهلي يابو النشد ليل اليمر وانهار
يكطر نخلهم عسل وارياكهم مره