صارن البوم
اجه الليل وعليه استفرد الخوف عليك الله تعال اشعلي اي شي
أحس وجهك نثرته بأتجاهات واعثر بالملامح لمن أمشي
نسه جفك ألخنجر واجه التشييع بحجة شالني ودور بنعشي
ورغم وياك طعم الطعنه ممزوج نحس بمشتهاك شكد نزفنه
كبل عندك معاني بوجهك هواي أخذهن غيري لو خلالي معنه
شموخ وكبرياء بيوم عفناك مذللولين شولمن رجعنه
وتتناثر وتوكع وانته مرتاح وبذروت حطامك أنته ملموم
تتنفس الظلمه النسمه سجان يطب محكوم ريتك طلع معدوم
صور عندي ألك بس صور لجروح زادن حيل زادن صارن البوم
ومن شافوا عليهم أنت ملهوف يحسون أشتروك أنت ولهفتك
أشوف أنيابهم تتعارك عليك ها نبدي بظحكتك لو دمعتك
تحس نظراتهم مو ألك بس لا تسويهن الك كلهن صفنتك
أكل فركاك جفني وكل الاعظاء بس لهسه ما ماكل بصمتك
كلما يوصل ألهه أتعارك وياه ولا خلي رغم جانت ظربتك
الميت لو كره يكره الدفان شو دافني بيدك ما كرهتك
ما مقسوم الي لا أنت غلطان آنه لمو ألك ولمو قسمتك
م.س. م.ع
رد مع اقتباس
