من ينكر اسمي ** اسمي رقيّـــــــــــه
آنه بنت حسين **راعي الحميـــــــــــه
بسبب جف الجريمه
من زغري يتيمـــــه
*************
ابوي حسين نور عيوني وآمالي ** عليّه ينشد ويتفّكد احوالــــي
مالحظه نساني شلون خلانــــــي **اعاني غيبته ويلوع حرماني
أبجي عليه لو أسكت
وحدّها الدموع أتكت **عشتها للهظيمه** من زغري يتيمه
************
روحي أوساده صارت والغطه ظنّي **تعب رمشي ونزل سلّم على جفنــي
اجاني والدي وبشوكه يحضنّــــــــي **غفت عيني عله صدره وماسكن ونّي
أفز من نومي مرعوبه
أصيح بياكتر صوبــــه ** خلص حلمي حريمه ** من زغري يتيمه
**********
صحت ياعمّه روحي شفته كدّامي **بجف أيده وبسمته داوه آلامي
سافر عنّي ماينساني بحلامــــــــي **شما طالت سفرته سوده أيامي
مني صار عالي الصوت
ماعوف البجـــــي للموت **رد صوت الظليمه ** من زغري يتيمه
***********
قلق صاير منامه يزيد من صوتي **ياريت الاجل صار وحكم موتــي
ولارض الغاضريه انشال تابوتـي **دز بالطشت راسه وشتره سكوتي
بدت دمعاتي بعتابه
رد حاجيني يايابـــه ** يبو جفوف الرحيمه ** من زغري يتيمه
*******
جلمات العتب طلعن من ألساني **اخذني وياك وحدي هنا لتنساني
انكطع منّك وريدك كلّي شمتاني**شهكت روحي بآخر نفس وجداني
بآخر لحظه ودعتـــــــه
طحت عالراس وشبكته** مصيبته عظيمه ** من زغري يتيمه
*************
خدمة المنبر الحسيني