ابوذيات حلوه طبو وشوفوا (اهداء الى خوخه الأنباري)
نور فراككم بالكلب ما جن
وعليكم زين عندي عكل ما جن
رسايلكم عجب لليوم ما جن
السبب شنهو كطعتوهن عليه؟
***********************
الك مني سلام والف مرحب
شكثر مرت صداقه وهله ومرحب
وحك اللي طبر بالسيف (مرحب)
تظل غالي وتظل محبوب اليه
*************************
اضحي شكثر ما ادور جزاءات
نحيل وتمشي بأعضائي جزاءات
لعبتي ويه الزمن صارت جزاءات
الحكم يحسب تسلل شو عليه؟؟
************************
نشدت الناس عنك وانته هينه
وعله فراكك تلفنه وانتهينه
كلبي انته التعذبه وانته هينه
ويظل اسمك حلو وغالي عليه
***********************
جنه من الدفو ياناس حضنه
عشكته وما كعد وياه حظنه
ماردت الطمع بس ردت حضنه
ومن احضنه الدنيه ما تفكه من اديه
***********************
افرح لو شفت وجهك واسر بيه
وحبك بالكلب ثابت وسر بيه
طال الدرب من امشي واسر بيه
واجيب الروح لعيونك هديه
**********************
يا أجمل ورودي بوسط بستاني
أخلص العمـر لجلك بس أتاني
اذكـر مـره بحيـاتي بسته اني
اموت وبوسته تبقى شهيه ...
وحگ الي يشافي البكم والصم
على فراگك شگد عذال وصم
اريد انخي بجـاه الحج والصوم
يردلي الغالي اعز الناس اليه ...
وصفنه شكد ماعجز وصفك وصفنه
لان ينراد لك كعده وصفنه
وياريت انت بمدرستنا وصفنه
لو تاخذ صفر ننطيك ميه
******************
الخوة الغير شخصك منسبتها
وعلي تاهت الجمعه منسبتها
روحي اتسودنت منسبتها
تصيح احا ولفي اشلون بيه
******************
نحبكم ونحب كلمن من هواكم
واتنفس ياترف تدري من هواكم
دليلي الماعرف سلوة من هواكم
مسه بشوك ودموع واذيه
*****************
اهديلك من هرش كلبي وردلك
افر الكون ياترف لجلك وردلك
لكلبي انته كتبت مرسال وردلك
بحبر دمه احبك للمنيه
*****************
رد مع اقتباس
