محمد ..انعاك في كل ذكرى ...
محمد صديقي من الطفولة
ايدي بيده صديق وما بي ابد لولة
محمد اخوي ودمه مو دمي
بس روحه بروحي مفتولة
جنه ازغار يا محمد عشناهه سوية
كتبنه ومدرستنه ولعبنا وكعدتنه
يا محمدمعقولة ؟؟؟؟؟؟
تعوفني ......
ناكل سوة ونكعد سوة
الناس اشكد حسدونا ؟؟؟
اشكد ضربوا بيناالامثال؟؟
كالو ليش ما تزعلون
ليش ما تتفاركون ؟؟؟
محمد واشكد حلو طولة
واشلون يسولفلي ...
معانيك يا بعد روحي
تروحلك فدوة عشيرتي
محمد وتعوفني ؟؟؟
خليت ادموعي تحرك اخدودي
يتمتني خوية ليش
يا ابو ضحكة الخجل
يا عيون المها
ما تغيب عن بالي
اشكد بعد احبك ؟؟؟
افديك بأخوتي كلهم ...
ستة يا محمدافديك بيهم
ستة اخواني ...
اروحن وين الياديرة
الياهيمة
وسفة تنام حدر التراب
وانة بطولي امشي ؟؟؟
محمد روحي وعقلي وكلبي
محمد شو ورد الخوة ما ورد
تعوفني بغربة ....
نام خوية الله اوياك
ولحد كبرك خوية حظنتة
وبجيت بترابك وسكيته
وارجعت خوية مكسور ظهري
بخيبة وفشل وحدي بهظمتي
يا وسفة الوسفة
تموت انتة
وابقى اني .

الى صديقي الحبيب الغالي
محمد رشك خلف البدري

شهيد المرض

السكري

أنعاك .