وعني

تعال اسأ ل علي يهواي ونشر
صرت مثل الحبل بجفاك ونشر
الك كل الغزل اقراه ونشر
وخلي اهل العشك تكتب عليه

[سجاد الرحال]

تعال وشوف حالــــي وشجرالي
ودمع عيني بغيابك وشجرى لي
ذبني ابنــــاركَلبــــك وشجره لي
وخليني احتركَ غصبن عليه

بقلمي

تحياتي مشرفتنا القديره

اشعجب دفتر عشگنة ماتگلبة
وليش انت اليگلبك ماتگلبة
احس الگلب بغيابك مات گلبه
وگلب گلبي توفه وعم عليه

شكرا يارحال على الردود الرائعة
تحياتي لك ياغالي

[سجاد الرحال]

تعال ابراحتـــك عمــي كَلبنه
وفي ومايعرف ايراوغ كَلبنه
ابـــد مايـــوم حبينـــه وكَلبنه
ولاكل يــــوم نلبس جلدحيه

بقلمي


تحياتي

ذهب صافي طبعنة...... ما صدينة
وابد عن اليودنة .....ما صدينة
تصيد الناس واحنة.... ما صدينة
رغم نفس المكان نتصيد سوية

ومشكور يالغالي

[سجاد الرحال]

ذهب طبعك غشيم الكَال فضه
وكَلبي بس الك ياتــرف فضه
هاك الشوكَ كلــه عليك فضه
واذاماكفه اخذ روحي هديه

بقلمي

تحياتي

عاشت اياااااديكم .... الرحااااااال ... وفتونه
يارب يخليكم منورين هذا المنتدى الرائع ............
تحيااااتي واجمل باقة من الوروووووووووووووود مني لكم

اذهب ورتحل عنك ورد ليك
و من بستان كلبي ارسل ورد ليك
يمعذب كلب دامي و أرد ليك
رسائل شوك وياهن هديه