وعني

عفيـتك يــا كـمر حــالي بسماي
ولك دمعي يــهل بـلعين بسماي
انمــزج اسـمي وســمك بسماي
ومشـة دمــي وية دمــك ســوية

[سجاد الرحال]

يــــل وسط الكَلــــب دكَيــــت بسمار
اخلصت روحي بجفاك شبيك بس مر
يلاهـــــــي مبتلينـــــي ليــــش بسمر
مزاجه حـــــاد حـــــار ولعــــب بيه

بقلمي



تحياتي

يفز گلبي گبلگ اه ...لو صاح
وتهت سكران انه بيك...لوصاح
غلط حبي الك معرفت ...لو صح
حبيتك انه والبلوه عليه

[سجاد الرحال]

انه الحبيت شخصك دون ماراك
وحبــــك لعــب بيه وراك ماراك
حيلي من همــوم الوكـــت ماراك
ولكن رك من بعدك عليه

بقلمي

تحياتي

حبك من تصل ليه واصل ليك
واكطع كلبي بفراكك وصل ليك
احسك ركعة كل ساعة اصليك
واصيح اللة واكبر حن علية

---

[سجاد الرحال]

لون حبك يصيـــر النــــار قابل
ومثل شوكَي الك ياتـــرف قابل
هاك اخدود كَلبي ارجوك قابل
وردهه بساع لاتبطي عليه

بقلمي




تحياتي

يمن وجهك يشع للكون بالنار


نصدله ومانغض الطرف بالنار


لون حبك يدخل المحب بالنار


سعير النار يصبح فوز اليه

[سجاد الرحال]

اذب روحي بسقرنــــارك وصلهه
وتموت انجان الك ماتـــم وصلهه
تراهي انتهت من هجرك واصلهه
بس طيفك يمربالليل ليه

بقلمي